Caergrawnt, Llsgr. Coleg y Drindod O.7.1 – tudalen 2r
Llyfr Blegywryd
2r
gyfreith honno. Ac y dodet emelltith
duỽ ar eidaỽ ynteu ar hon gymry oll.
trỽy yskymundaỽt ar y neb nys cat ̷+
wei rac llaỽ megys y gossodet ony ellit
y gỽellau o gyfundeb gỽlat ac arglỽyd.
Kyntaf y dechreuis y brenhin kyfreith
y lys peunydyaỽl. ac or dechreu y
gossodes petwar sỽydaỽc ar hugeint
yn|y lys. nyt amgen. Penteulu. Offei ̷+
rat teulu. Distein. Ygnat llys. Hebo ̷+
gyd. Pengỽastraỽt Penkynyd. Gỽas
ystauell. Distein brenhines. Offeirat
brenhines. Bard teulu. Gostegỽr llys
Dryssaỽr neuad. Dryssaỽr ystauell.
Morỽyn ystauell. Gỽastraỽt auỽyn.
Canhỽyllyd. Trullyat. Medyd. Sỽydỽr
llys. Coc. Medyc. Gỽastraỽt auỽyn
brenhines.
Dylyet y sỽydogyon hyn yỽ caffel
brethynwisc y gan y brenhin. A
llieinwisc y gan y vrenhines teir gỽ ̷+
eith yn|y vlỽydyn. Y nadolic ar pasc.
ar sulgỽyn. Brenhines a dyly caffel.
| « p 1v | p 2v » |