LlGC Llsgr. 3035 (Mostyn 116) – tudalen 35r
Brut y Brenhinoedd
35r
1
y|bu deruysc y·rygtaỽ a nynyaỽ y vraỽt Am geissaỽ
2
diffodi enỽ tro oc eu gỽlat. A|chanys traethỽys gil+
3
das o hyny yn ỻỽyr y|peideis ineu rac hacrau o|m
4
tlaỽt ethrylithyr y* ymadraỽd gỽr mor huaỽdyl kyf+
5
A Gỽedy daruot y vrutus adei +~ ~ rỽys a hỽnnỽ.
6
lat y|dinas megys y dywespỽyt vchot gossot
7
kywydaỽr* a|oruc yndaỽ a rodi kyfreithau a brein+
8
eu vdunt drỽy y rei y geỻynt buchedockau drỽy he+
9
dỽch a|thagnefed Ac yn yr amser hỽnnỽ yd oed
10
heli offeirat ym mlaen pobyl yr israel yg gỽlat
11
iudea Ac yd oed arch|ystauen yg|keithiwet gan y
12
philystewydyon. Ac yd oedynt yn gỽledychu tro
13
meibon ector. gỽedy ry dihol meibon antenor oheni
14
ymdeith Ac yn yr eidal yd oed siluius eneas yn|dry+
15
dyd brenhin gỽedy eneas ewythyr y vrutus vraỽt y|dat ~
16
A c yna gỽedy kyweiraỽ pop peth ar hyt ẏr ynys
17
yn dagnefedus ac adeilat y|gaer a|r dinas kysgu
18
a wnaeth brutus gyt a|e wreic. A|thri meib a anet
19
idaỽ ef. sef oed eu henweu. Locrinus. kamber. alba+
20
nactus. Ac ym|pen y petwared vlỽydyn ar|hugeint
21
gỽedy y dyuodedigaeth y|r ynys y bu varỽ brutus
22
Ac y|cladỽẏt yn|y dinas a adeilassei e|hun yn an·ry+
23
dedus Ac yna y ranỽyt y|deyrnas o|e veibon ynteu.
24
A locrinus kanẏs hynaf oed a|gymerth y ran per·ued
25
o|r ynys yr hon a elwit ỻoeger o|e enỽ eff Ac y|kymerth
26
kamber o|r tu araỻ y haffren yr hon a elwir o|e enỽ ef
27
kymrẏ Ac y|kymerth albanactus y gogled yr hon a
28
elwis ynteu o|e enỽ ef yr alban. A|gỽedy eu bot y·veỻy
29
yn tagnefedus drỽy hir amser y doeth humur vren+
30
hin dunaỽt a ỻyges gantaỽ hyt yr alban. A|gỽedẏ
| « p 34v | p 35v » |