LlGC Llsgr. Llanstephan 27 (Llyfr Coch Talgarth) – tudalen 30r
Ymborth yr Enaid
30r
1
O Deir fford y pechir drỽy bop vn o|r seith brifwyt hynn.
2
nyt amgen. o vedỽl. a geir. a gỽeithret. a thrỽy hynny
3
o|e hoỻ gorff. kyffelybrỽyd y hynny a eỻir y gymryt am valch+
4
der. yr|hỽnn yssyd gyff y|r hoỻ wydyeu. Hỽnnỽ a|vegir o deir
5
fford. nyt amgen. am y tri ryỽ da a rodes duỽ y|dyn. Sef ynt
6
y rei hynny. da anyanaỽl. a da da·mchweinyaỽl. a da yspry+
7
daỽl. am|da anyanaỽl y megir balchder. megys am gryf+
8
der. neu degỽch. neu dewrder. neu huolder ymadraỽd. neu lef.
9
neu ethrylithyr. Sef yỽ da anyanaỽl campeu a|rodo y anyan
10
y|dyn. Am|da damchweinyaỽl y megir balchder. megys am
11
gelvydyt. neu wybodeu. neu gyfoeth neu anryded. neu dei+
12
lyngdaỽt neu voned. neu garyat gỽyr maỽr. neu ganma+
13
ỽl gỽyrda. neu amylder gỽisgoed gỽerthuaỽrussyon. kanys
14
damchweinyaỽl yỽ pob vn o|hynny. a|da damchweinyaỽl yr
15
hỽnn a|del o damchwein. Am da pressennaỽl ratlaỽn y
16
megyr balchder. megys am uvuddaỽt neu anmyned. neu
17
warder neu vonedigeidrỽyd. neu arafỽch. Sef yỽ da yspryt+
18
aỽl. ratlaỽn nertholyon gampeu ysprydolyon a rodo yr ys+
19
pryt glan y dyn. a megys y megyr balchder am bop un o+
20
honunt. o eir. a medỽl. a gỽeithret. veỻy y megyr pob vn o|r
21
gỽydyeu ereiỻ o valchder. a megys y mae pob un o|r gỽydyeu
22
yn gyff y eu keingeu. veỻy y mae balchder yn gyff y|r seith
23
T Raether beỻach am y kampeu ysprydoly +[ brifwyt.
24
on yssyd yn|wrthwyneb y|r gỽydyeu. Seith yssyd o|r
25
kampeu yn erbyn y seith brifwyt. ac a|eỻir eu dyaỻ ar vn
26
geir seith·lythyraỽc megys y seith brifwyt. Sef yỽ y geir
27
hỽnnỽ. kuchade. o|r k. kymer karyat yssyd wrthwyneb y
| « p 29v | p 30v » |