LlGC Llsgr. Peniarth 38 – tudalen 53v
Llyfr Blegywryd
53v
ffo y llall; ny|chyll y braỽtỽr onyt camlỽrỽ. Ony or+
uyd y|llall; kamlỽrỽ hefyt a gyll. Ny|byd kylus neb
braỽtỽr yr rodi a|datganu braỽt o aỽdurdaỽt yscri+
fenedic. kyny bo iaỽn ony|s kadarna trỽy ỽystyl.
namyn yr aỽdurdaỽt a geblir. O r datgana braỽt+
ỽr braỽt heb lyfyr kyfreith yn|y llys. ac na|s katar ̷ ̷+
nhao o ỽystyl yn erbyn gỽystyl y|llall; talet gamlỽ ̷ ̷+
rỽ y|r brenhin. ac yspeit a|geiff ef y rodi braỽt o ne+
ỽyd rỽg y pleideu ac y|gatarnhau ae honno ae ar+
all. O|r dyry braỽtỽr braỽt ffalst rỽg deu dyn. a|go ̷ ̷+
def y vraỽt ohonunt yn|y llys. a|gỽedy hynny rodi
braỽt iaỽn ohonaỽ y|myỽn dadyl gyffelyb. talet
y|r brenhin gamlỽrỽ dros y vraỽt ffalst a rodes gynt.
kanys e|hunan megys tyst credadỽy a dangosses
trỽy vraỽt iaỽn ry|rodi ohonaỽ ef vraỽt gam kyn
no hynny. O tri mod y|dosperthir braỽt gyghaỽs.
kyntaf yỽ trỽy odef. kanys godef a|tyrr pop kyghaỽs.
Os braỽtỽr a odef rodi gỽystyl yn erbyn y vraỽt yn
tagnefedus. heb rodi gỽystyl yna y gatarnhau y vra ̷ ̷+
ỽt. dygỽydedic vyd y|vraỽt. Eil yỽ braỽtlyfyr rỽg
| « p 53r | p 54r » |