LlGC Llsgr. 3035 (Mostyn 116) – tudalen 100r
Brut y Brenhinoedd
100r
1
Ac ny lafassaỽd gỽrlois ymgyfaruot nac ymerbyneiat*
2
kanẏs ỻei oed eiryf y| wyr aruaỽc noc ef. Ac ỽrth hynny
3
dewissach vu gantaỽ kadarnhau y| gestyỻ hyt pan
4
gaffei ynteu porth o jwerdon. A| chanys mỽy oed y ofal
5
a| e pryder am y| wreic noc ymdanaỽ e| hunan ac ỽrth hyny
6
ef a| e dodes hi yg kasteỻ tindagol yr hỽn a oed ossode+
7
dic y|myỽn y| mor A hỽnnỽ oed diogelaf a chadarnaf
8
amdiffyn ar y helỽ ynteu. Ac efo e| hun a aeth y gasteỻ
9
dimlyot. rac o| damwein eu kaffel eỻ deu ygyt a gỽedy
10
menegi hynẏ y| r brenhin. kyrchu a oruc ynteu y gasteỻ
11
yd| oed gỽrlois yndaỽ Ac eisted ỽrthaỽ a gỽarchae pop
12
ford o| r y geỻit dyfot aỻan ohonaỽ. A| gỽedy ỻithraỽ
13
yspeit pytheỽnos. koffau a oruc y brenhin y| garyat ar
14
eigyr a galỽ attaỽ a oruc ulphin o| r ryt garadaỽc. ket+
15
ymdeith neiỻtuedic a| chytuarchaỽc idaỽ a| menegi idaỽ
16
mal hyn yn ỻosci yd ỽyf|i o| garyat eigyr heb ef yn gym+
17
eint ac nat petrus genyf na aỻaf ochlyt perigyl vyg
18
korff ony chaffaf y wreic vrth vyg kygor. Ac vrh* hynny
19
heb ef yd archaf itt gygor o| r hỽn y gaỻỽyf eilenwi
20
vy ewyỻis rac o damwein o tra gofeileint vy abaỻu
21
Ac ar hẏnnẏ y dywaỽt vlpin. Arglỽyd heb ef pỽy a aỻei
22
rodi kygor itti. kanẏt oes neb kyfryỽ rẏm nac ansaỽd
23
y gaỻem ni vynet y|ghyfyl gasteỻ tindagol. kanys
24
yn| y| mor y| mae gossodedic Ac yn gayedic yn| y gylch o| r
25
mor Ac nat oes vn fford y| gaỻer mynet idaỽ namyn vn
26
garrec gyfyg a| honno drỽy* wyr aruaỽc a| eỻynt y| cha+
27
dỽ kyt delhei teyrnas prydein y·gyt a| thi. Ac eissoes pei
28
myrdin vard a| wnelei y aỻu ygyt a| thi yn graff yg kylch
29
hyny. mi a| tybygỽn drỽy y gygor ef y gaỻut ti arueru
30
o| th damunet ac o| eth ewyỻys A chredu a oruc y bren+
| « p 99v | p 100v » |