LlGC Llsgr. 3035 (Mostyn 116) – tudalen 139v
Brut y Brenhinoedd
139v
1
nefedus y|traethỽys Ac ym|pen deudec mlyned gỽedy kymryd
2
y goron ohonaỽ y|myỽn clefyt y|dygỽydỽys. A|chiỽdaỽtaỽl
3
teruysc a|gyfodes ym|plith y|brytanyeit. Man* gatwaladyr
4
oed whaer vn dat a|pheanda. A|e mam hitheu oed wreic von+
5
hedic o euas ac ergig A|honno gỽedy tagnofedu a|pheanda
6
a gymerth katwaỻaỽn yn wreic wely idaỽ A gỽedy clefychu
7
catwaladyr Megys y dywespỽẏt vchot teruysc a vu yrỽg
8
y|brytanyeit e|hunein A|r|frỽythlaỽn wlat a|distryỽassant
9
oc eu teruysc Ac y·gyt a|hynny drycdamwein araỻ hefyt
10
a deuth vdunt. kanys a vaỻ* newyn a dryc·vyt a lynỽys
11
ỽrth y bobyl. Megys nat oed o|hoỻ ymgynhal dim y|neb
12
eithyr y|neb aỻei hela gỽyd·uileit y|myỽn y diffeith Ar gi+
13
rat newyn hỽnỽ a|erlyn·ỽys tymhestlus agheu Ac yn enyt
14
bychan a|treulỽys y bobyl hyt na aỻei y|rei byỽ cladu y
15
rei meirỽ Ac ỽrth hyny y rei truein a dieghis yn vydino+
16
ed y|foynt dros y moroed gan gỽynuan a drycyruerth
17
y·dan arfet yr hỽyleu Megys hyn. Duỽ ti a|n ro·deist|ni
18
megys defeit a yssit Ac a|n gỽesgereist ym|plith y kened+
19
loed Ac ynteu gatwaladyr e|hun ygyt a|thruan lyges
20
yn kyrchu parth a|ỻydaỽ y racdywededic cỽynuan a|dyỽe+
21
dei ynteu ar y|wed honno. Gỽae ni bechaduryeit kanys
22
o|achaỽs an diruaỽr gamwedeu ni o|r rei ny ochelyssam ni
23
godi duỽ hyt gahem ni yspeit y|penydyaỽ. Ac ỽrth hẏnẏ
24
y|mae dial y|kyfoethaỽc vedẏant y|an|diwreidaỽ ninheu oc
25
an ganedic dayar Ac o treff an tat o|r ỻe ny aỻỽysant na|r
26
yscotteit na|r fichteit na neb o|r amryfaylon vratwyr. Na+
27
myn yn yscaỽn enniỻ an gỽlat arnadunt yr a|delhei o or+
28
messoed pryt nat oed ewyỻus duỽ inni bressỽylaỽ yndi yn
29
dragywyd. Ef yssyd wir vraỽtỽr pan welas ef nini heb
30
vynu ymchoelut y|ỽrth an pechaỽt. na mynu gorffowys
| « p 139r | p 140r » |