LlGC Llsgr. Peniarth 32 (Y Llyfr Teg) – tudalen 172
Llyfr Iorwerth
172
1
yn ewyỻys yr arglỽyd y mae eu dihenydyn ac
2
eu dehol. Os gỽadant ỽynteu; rodent lỽ chỽech
3
chanwr. Pỽy bynnac a|holo da neu haỽl araỻ.
4
a|dyuot y|r maes. ac yn|y maes kilyaỽ o·honaỽ.
5
a|bot yn weỻ ganthaỽ tewi no holi; kyfreith. a|dyw+
6
eit bot yn|y dewis ae holi ae na holo. a chyt ga+
7
lwo yr amdiffynnỽr am vraỽt. a|e divarnu o|r
8
da o achaỽs y vot yn kilyaỽ; ny wyl kyfreith. bot
9
yn iaỽn y diuarnu. namyn kan gỽrthodes yr
10
oet y vynet heb vn oet o|r maes. Os ef a deruyd
11
idaỽ ynteu; rodi mach ar a|dywetto kyfreith. ac eisted
12
ym|pleit. a|dechreu holi. a|gỽarandaỽ atteb. A
13
gỽedy hynny keissyaỽ oet ỽrth borth. a dywe+
14
dut y dylyu*; kanys yn|y dewis y mae. a dywe+
15
dut o|r amdiffynnỽr; kyt ry vo y|th dewis. neut
16
nat ydiỽ. kanny chyngein gỽarthal gan dewis.
17
ac neur dewissaỽd ynteu holi. ac ỽrth hynny y
18
dodi ar kyfreith. na|dyly ynteu kilyaỽ. Sef a dyweit
19
kyfreith; nat oes annoc idaỽ. namyn gỽneuthur.
20
kyfreith. dilusc. Os adaỽ y maes a|wna yr haỽlỽr;
21
rodher croes racdaỽ nat. ac ot a ynteu; galỽet
22
yr amdiffynỽr am vraỽt. Sef a|dyweit kyfreith. yna;
23
y vot heb haỽl yn|oes yr arglỽyd bieiffo y maes.
24
a their|bu camlỽrỽ y|r brenhin yn deu·dyblyc.
25
Am vorỽynwreic. Sef yỽ morỽynwreic; gỽreic
26
gỽedy rodher y|wr. a|hitheu yn|vorỽyn. a heb
« p 171 | p 173 » |