LlGC Llsgr. 3035 (Mostyn 116) – tudalen 119r
Brut y Brenhinoedd
119r
1
acwanec y ymlad a| r ryỽ aghenuil hỽnnỽ namyn e| hun
2
a gỽedy eu dyuot yn agos y| r mynyd. vynt a welynt dỽy
3
vreich y| mynyd a| than ar pen pop vn ohonunt yn ỻosgi
4
ac ethryckin o| r mor y·rydunt mal na eỻit mynet y vn
5
ohonunt namyn yn ỻog neu y·n yscraff. A| gỽedy caffel
6
yscraf ohonunt a| mynet drỽod anuon bedwyr a| wnaeth
7
y geissaỽ diheurỽyd y| ỽrth y kaỽr Ac mal yd oed vedwyr
8
yn yscynu pen y| mynyd ỻeiaf. ef a| glyỽei gỽrei·gaỽl gỽyn+
9
uan a drycyru·erth. Ac ofynhau a| oruc o| tebygu bot y
10
kaỽr yno Ac eissoes galỽ y leỽder attaỽ a dispeilaỽ cledyf
11
a| chyrchu pen y| mynyd A| phan doeth yno. ny welei dim
12
eithyr gỽrach vaỽr yn eisted vch ben bed newyd gladu.
13
A| phan welas y| wrach ef. hi a| dywaỽt ỽrthaỽ drỽy icuo*
14
ac ỽylaỽ. val hẏn. O| tidi direitaf ỽr o| r dynyon py ryỽ di+
15
reidi anhyghetuenaỽl a| th ry| duc y| r ỻe hỽn. A phy veint
16
o amryfaelon boeneu a| diodefy ti. Truan yỽ genyf truan
17
yr antrugaraỽc aghenuil yr aỽr hon a| treulha blodeu
18
dy jeuenctit ti ef a| daỽ yr yscymunedickaf anweledic
19
enỽ. kaỽr yr hỽn a duc elen nith hywel vab emyr ỻydaỽ
20
yr honn a gledeis. i. yn| y bed hỽn yr aỽr hon. Ac a| m duc
21
inheu yn vamaeth idi ygyt a hi hyt y| ỻe hỽn. Yr hỽn
22
o aglywedic ageu heb annot a| th diueth·a ti. Och agrist
23
trist a| dyghetuen. Vy egluraf verch vaeth hyt tra yt+
24
toed yr yscymun hỽnỽ yn| y damblygu hi y·rỽg y vreicheu
25
hi a| gymerth diruaỽr ofyn dan y chlaer vron. yny a+
26
eth y heneit o| e chorff Ac yna gỽedy na aỻỽys ef an+
27
furuaỽ vyg karedickaf verch i yr hon a oed eil vched*
28
ac eil velyster ac eil digrifỽch im. na chytyaỽ a hi o| e
29
yscymun gyt ef Ac ỽrth hynẏ megys yd oed losgedic
30
ef o wir serch ef. y| treissaỽd ef vinheu. A| duỽ a| dygaf
| « p 118v | p 119v » |