LlGC Llsgr. 3035 (Mostyn 116) – tudalen 113r
Brut y Brenhinoedd
113r
1
o warwic. Owein o gaer ỻeon. Jonathal o gaer idor.
2
Cursalem o| gaer lyr Gỽaỻaỽc ap ỻeenaỽc o salsburi
3
Boso o| ryt ychen Ac eithyr hẏnẏ ỻawer o wyrda
4
nyt oed lei eu boned nac eu teilegdaỽt no| r rei hyny
5
Nyt amgen. Dunaỽt vỽr vab pabo post prydein.
6
Keneu vab coel. Peredur. Mab. elidyr. Gruffud. Mab.
7
vogoet. Rein. mab. elaỽt. Edelin. mab. keledaỽc. kyngar
8
.mab. bangaỽ. kynuaỽr gorbanyon. Miscoet cloffaỽc
9
Run. mab. nỽython. kynuelyn. mab. trunyaỽ. kadeỻ. mab.
10
uryen. kyndelic. mab. nỽython Ac ygyt a hyny. ỻawer
11
o| wyrda a oed ry| hir eu henwi. Ac y·gyt a hyny o| r yn+
12
yssed yn eu kylch. Giỻamỽri brenhin jwerdon. Mel+
13
was brenhin islont. Doldan brenhin gotlont. Gỽynw
14
brenhin. orc. ỻeu. Mab. kynuarch. brenhin. ỻychlyn. Echel
15
brenhin denmarc. Ac o| freinc y| deuthant. Hodlyn ty+
16
wyssaỽc ruthẏn. Leodgar jarỻ bỽlỽyn. Bedwyr pen+
17
truỻyat duc normandi. Borel o cenomaỽs. kei pen+
18
sỽydỽr duc yr angiỽ. Gỽittart o peitaỽ A| r deudec
19
gogyfarch o| freinc A| gereint garanỽys oc eu blaen
20
yn tywyssaỽc ar·nadunt. Hywel vab emyr ỻydaỽ
21
brenhin brytaenn vechan A| ỻawer o| wyrda a oed
22
darystygedic idaỽ. ẏ·gẏt a| r veint darmerth a chym+
23
yred muloed a| meirych. Megys yd oed dyrys eu dat+
24
kanu. A| ry| hir eu hyscrifenu Ac eithyr hyny ny
25
thrigyỽys vn tywysaỽc y tu hỽn y| r yspaen ny
26
delhei ỽrth y| wys hono Py ryfed oed hyny hael+
27
der arthur a| e glot a| e volyant yn honeit dros
28
y| byt; a| tynassei baỽb yn rỽymedic o| e garyat.
29
A c o| r diwed gỽedy ymgynuỻaỽ paỽb y| r gaer
30
a| r ỽylua yn dyuot yr archescyb a elwit y| r ỻys
| « p 112v | p 113v » |