LlGC Llsgr. Peniarth 6 rhan iv – tudalen 40
Geraint
40
1
yn tynnu pebyll yn ystlys y fford. Arglỽyd heb·y Gereint. han+
2
pych gỽell. Duỽ a rotho da itt heb·yr arthur. A pỽy ỽyt ti.
3
.Gereint. heb·y gỽalchmei yỽ hỽn. Ac o|e vod nyt ymwelei a thidi
4
hediỽ. Je heb·yr arthur yn|y aghyghor y|mae. Ac ar hynny
5
enyd a doeth yn|yd oed arthur. A chyfarch gỽell idaỽ. Duỽ
6
a rotho da itt heb·yr arthur. kymeret vn hi y|r llaỽr. Ac vn
7
a|e kymerth. Och a enyd heb ef py gerdet yỽ hỽn. na
8
ỽn arglỽyd heb hi. namyn dir yỽ imi kerdet y fford
9
y kertho ynteu. Arglỽyd heb·y gereint. ni a aỽn ymdeith
10
gan dy ganhyat. py le uyd hynny heb·yr arthur. Ny elly
11
ti vynet heb·yr arthur onyt ey y orffen dy agheu. Ny adei
12
ef i|mi vn gỽahaỽd arnaỽ. heb·y Gỽalchmei. Ef a|e gat i|mi
13
heb·yr arthur. Ac ygyt a hynny nyt a ef odyma hyny vo
14
iach. Goreu oed genhyf|i arglỽyd pei gattut ti vyui ym ̷+
15
deith. Na adaf yrof|i a duỽ heb·yr arthur. Ac yna y peris ef
16
galỽ ar vorynyon yn erbyn enyd. o|e dỽyn y ystauell
17
wenhỽyfar. A llawen uu wenhỽyfar a|r gỽraged oll ỽrthi.
18
A gỽaret y|marchaỽcwisc y amdanei. A rodi arall ymda ̷+
19
nei. A galỽ ar katyrieith a oruc arthur. Ac erchi tynnu idaỽ
20
pebyll y ereint. a|e vedygon. A dodi arnaỽ peri diwallrỽyd o
21
pop peth mal y gofynnet idaỽ. A hynny a oruc katyrie ̷+
22
ith. A dỽyn Morgan tut a|e discyblon a oruc at ereint. Ac yno
23
y bu arthur a|e nifer agos y vis ỽrth vedeginaethu Gereint. A
24
phan oed gadarn y gnaỽt gan ereint. y doeth ar arthur y erchi
25
canhat o|e vynet y hynt. Ny ỽnn i a ỽyt ti iaỽn iach ti et ̷+
26
wa. ỽyf ys gỽir arglỽyd heb·y Gereint. Nyt tidi a|gredaf|i am
27
hynny namyn y medygon a uu ỽrthyt. A dyfynnu y
28
medygon attaỽ a oruc. A gofyn udunt a oed wir hynny.
| « p 39 | p 41 » |