LlGC Llsgr. Peniarth 45 – tudalen 153
Brut y Brenhinoedd
153
ymlad. Ac arall a lad hỽnnỽ. y pymhet a
nessa yr lladedigyon. Ar neill o amryual+
lyon angheuoed a uriỽ. Odyna yd esgyn
keuyn un ygyt a|chledyf. Ac y gwanha y
penn y ỽrth y corff. yny bo gossodedic y wisc
yd esgyn arall a|e de heu ac a|e bỽrỽ y asseu
Hỽnnỽ a orchyruyc ca y noeth pryt
na allei dim yn wisge dic. y lleill a po+
ena y ar eu keuyn. Ac yg kyuyngder y teyrn+
as y kymhell. Teir pum rann a dỽc yn un.
Ac un a uyd arglỽyd ar y pobyl. Kaỽr a echty+
wynna o wynn liỽ. A|e pobyl wenn y blodeuha+
a deng ychen a diwreidha y tywyssogyon. A
darestyngedigyon a ssymudir yn aniueileit
mor. y rei hynny a hedycha kerbyt kaer efra+
ỽc. yr hỽnn a|dyweit. Esgynnet y kerbyt
yny bo gỽrthladedic arglỽyd. yny bo noeth
y gledyf y gogoueu y dỽyrein. Ac oleu y o+
lỽyneu a leinỽ o waet. Odyna y byd pys+
gaỽt yn|y mor. yr hỽnn adalwedic o chwi+
banat neidyr a|gyttya a hỽnnỽ. Odyna
y genir tri tharỽ echtywynnedic. y rei a ym+
choelir yn wyd wedy treulont eu porueyd.
y kyntaf a arwed ffrowyll gwennỽynic. Ac
y ỽrth y ganedic ef y trossa y keuyn. dỽyn
| « p 152 | p 154 » |