LlGC Llsgr. Peniarth 190 – tudalen 215
Ymborth yr Enaid
215
garyat hỽnnỽ y ryỽ ber verwineb* yn|y gi+
eu a|r|gỽythi. ac ar hyt yr hoỻ gnaỽt.
ac yn|y mynỽgyl megys golusgyon o|dile+
eu mel kynteit. ac yn|y gaỻon megys di+
grifserch waryeu. yn peri idi megys per+
garoli neu perhopyaỽ. o nerth digrifỽch
yr anỽylserch garyat hỽnnỽ. ac yna gỽy+
byd mae man wrychyon yr yspryt glan
a|dywetpỽyt uchot eu bot yn disgynnu
o|ardyrchafyat gỽefusseu y kyssegredic
vab yssyd yn dyvot y|th vynỽgyl a|th
dỽy·vronn. ac y mae manwlith yr yspryt
glan. a dywetpỽyt vry. yssyd yn gỽane+
gu megys man dagreu o|e rudeỻyon ly+
geit ef yssyd yn|dyuot y|th gaỻon. ac ym+
dyro vỽyuỽy y|r per|garyat hỽnnỽ. drỽy
dygynlut ymwascu a|r caryatvab kyt bo+
et trahaus y neb vedylyaỽ ymwascu ac
ef. Eissyoes koffa di vot yn vỽy y car
y serchaỽl drugared ef ym·wasgu a thy+
di y|th garu noc y geỻych di vedylyaỽ
| « p 214 | p 216 » |