Rhydychen, Llsgr. Coleg yr Iesu 20 – tudalen 56av
Saith Doethion Rhufain
56av
e|hun a wnaeth am benn y vronn a|e gyll+
ell yny dygwyd yn varỽ y|r ỻaỽr. A
gwedy gwneuthur y gyweirdeb a|e was+
sanaeth yn|y lys ef a ducpỽyt tu a|r
llan y|gladu. A ryued nat oed yssic
penneu y byssed rac festet y madei
y dỽylyaỽ* y·gyt yn kỽynaỽ y gỽr.
Vch oed pob llef a diaspadei noc a oed
o gorn a chloch dros ỽyneb yr hoỻ
dinas. A gwedy cladu y gỽr a chilyaỽ
paỽb o|r eglỽys. y mam a erchis y|r
vnbennes dyuot y·gyt a hi adref.
A hitheu a dyngaỽd y|r gỽr a oed vch
y phenn nat aei hi odyno yny vei va+
rỽ. Ny eỻy di heb y mam gywiraỽ
y geir hỽnnỽ. Ac am hynny iaỽnach
yỽ ytt dyuot y|th lys dy|hun y gỽy+
naỽ dy ỽr no thrigyaỽ yn ỻe ofnaỽc
aruthyr mal hỽnn mor vnic a hyny.
Mi a brofaf a|e gallỽyf heb hi. Ac y+
na y peris y mam kynneu tan
| « p 56ar | p 56br » |