Llsgr. Caerdydd 3.242 (Hafod 16) – tudalen 77
Rhinweddau Bwydydd
77
1
rad gyntaf. a|gỽlyb yn|yr eil. bychydic a|vac. dyfyrỻyt yỽ y
2
sud. ac ebrỽyd y|bỽrir ymeith. Jachus amgen yỽ y|r|neb a|vo gỽres+
3
saỽc a|sych y gomplexiỽn. Yr hockys; oer yỽ yn|y rad gyntaf a ̷
4
gỽlyboraỽc yn|yr|eil. Da vyd myỽn enneint. ac y difflannu an+
5
gerd cornỽyt. Hedychu croth a|wna. da yỽ rac pessychu. claer+
6
hau garwed mynỽgyl a|wna. ac ysgeueint a|dỽyvronn o berỽir
7
drỽy vraster. Letus; oer a|gỽlyb yỽ yn|yr|eil rad. a gỽeỻ y|mac
8
noc vn ỻysseu. Goreu gỽaet yỽ yr vn a|wna. peri kyscu. goste+
9
gu anniweirdeb a|wna. nac yn verwedic nac yn amrỽt y kym+
10
erer. Y|neb amgen a|vo goer y|natur. bỽytaet gyt y|maeles. a|min+
11
tan. a gỽeỻ vyd yn verwedic noc yn amrỽt a gỽeỻ yn ir noc
12
yn hen. Y porpius; oer vyd yn|y|rad gyntaf. a|gỽlyb yn|yr eil
13
rad. da yỽ y|r|neb a|vo gỽressaỽc y|natur. kyuodi gỽres a|wna
14
yn|y kyỻa a ỻestyr y|plant a|r|chỽyssigen. da yỽ rac dolur arenneu.
15
Diffodi cryt gỽressaỽc a chadarnhau y kyỻa a|r|perued. a|phur+
16
hau cornỽydon a|aner yn|y kyỻa neu yn|y chỽyssigen. torri gỽ+
17
aetlin a|wna pa ford bynnac y bo. Y persli; gỽressaỽc a sych ynt
18
yn|diwed y|dryded rad. ac ỽrth hynny parhaus vyd. peri vrin
19
a blodeu a|wna. a|gostỽng mygodorth a hỽyd. a hedychu dolur
20
arenneu a|r chỽyssigen a wna. a phurhau tyỻeu y korff. ac
21
agori geneu y kyỻa. a da yỽ y|r auu. a|glanhau y|kyỻa. ac
22
agori kayedeu y gỽythi a|r|pibeỻeu. a jachau y cornỽydon
23
arnunt ac ar yr|arenneu. Tauot yr hyd. gỽressaỽc yỽ yn|y
24
dryded rad. a sych yn yr eil|rad. a|diaỽt a|wneler o·honaỽ drỽy
25
vrac a beir urin a blodeu. tangneuedu a|wna dolur ystlys+
26
seu ac arenneu a|chỽyssigen; a rydhau heint caỻonn a|gostỽng
27
mygodorth perued oỻ. ac agori kaedeu* y|gỽythi a|wna.
| « p 76 | p 78 » |