Llsgr. Bodorgan – tudalen 27
Llyfr Cyfnerth
27
1
bot yn vn gymhỽt ar gof llys heb y gan+
2
hat. Vn rydit yỽ ar valu yn| y velin ar brenhin.
3
Ef bieu gobreu merchet y gofein a uỽynt
4
ỽrth y ohen. Wheugeint yỽ ebediỽ gof llys.
5
A wheugeint yg gobyr y verch. Punt a han ̷+
6
her y chowyll. Teir punt y hegỽedi.
7
E Porthaỽr a geiff y tir yn ryd. yn| y kastell
8
tra chefyn y dor y byd y ty. Ae ymborth
9
a geiff o|r llys. Pren a geiff o pop pỽn kynnut
10
a del trỽy y porth. A phren heuyt o pop benne ̷+
11
it nyt amgen pren a allo y tynnu ae vn llaỽ
12
heb lesteir ar gerdet y meirch ar ychen. A
13
chyny allo tynnu vn pren; pren eissoes a
14
geiff. Ac nyt y mỽyhaf. O|r moch preidin
15
a del yr porth ef a geiff hỽch. Ac ny byd mỽy
16
noc y gollo* ae vn llaỽ y drychafel herwyd y
17
gỽrych. mal na bo is y traet no phen
18
y lin. O|r anreith warthec a del y|r porth o|r
19
byd eidon cỽtta erni; y porthaỽr ae keiff.
20
Ar eidon diwethaf a del yr porth hefyt ef
21
ae keif. Pedeir keinhaỽc a geiff o pop kar+
22
charaỽr a garcharer gan iaỽn yn| y llys.
23
REit yỽ bot y gỽylyỽr yn vonhedic gỽlat
24
kanys idaỽ yd ymdiredir o|r brenhin
| « p 26 | p 28 » |