LlGC Llsgr. Peniarth 32 (Y Llyfr Teg) – tudalen 41
Llyfr Iorwerth
41
wyr. O rodir morỽyn y wr a|e chaffel o|r gỽr yn
ỻygredic hi. a|e|d˄iodef hi ueỻy o|r gỽr hyt tranno+
eth. ny eiỻ ef dỽyn drannoeth dim o|e dylyet hi.
Os ynteu a|wna kyuodi a|galỽ ar y neithaỽrwyr
gỽedy as|caffo hi yn ỻygredic a|e galy yn|y sefyỻ.
a thystu udunt ỽy y chaffel hi yn ỻygredic. ac
na|chysco ygyt a|hi hyt trannoeth. ny dyly hi
dim drannoeth y ganthaỽ ef. O|deruyd dyuot
bronneu a|chedor arnei hitheu a|e blodeuaỽ; yna
y dyweit kyfreith. na|wyr neb beth yỽ hi ae morỽyn
ae gỽreic o achaỽs ry dyuot arỽyd plant idi. ac
ỽrth hynny y gat kyfreith. y diheuraỽ hi o lỽ seith nyn.
y am y that. a|e mam. a|e brodyr. a|e chỽioryd. OS
hitheu ny|myn ymdiheuraỽ. torher y chrys yn
gyfuch a|e gỽerdyr. a rodher dinawet blỽyd yn|y
ỻaỽ gỽedy iraỽ y losgỽrn a|gỽer. o geiỻ hi attal
hỽnnỽ kymeret yn|ỻe y ran o|r|argyfreu. ac ony
eiỻ y attal; bit heb dim. Pỽy bynnac a rodho
gỽreic y wr; ef bieu talu y hamobyr. neu ynteu
a|gymero meicheu y genthi hi ar y dalu. OS hi+
theu e|hun a|ymryd; talet e|hun y hamobyr ka+
nys hi e|hun a|vu rodyat arnei. O|dỽc gỽr
wreic lathlut. a|dyuot a hi y ty uab uchelỽr
y gyscu genthi. ac na chymerho y mab uchelỽr
vach ar yr amobyr. talet e|hun. O deruyd y wr
dỽyn gỽreic lathlut; bit hyt ympenn y seith|mlyned
| « p 40 | p 42 » |