Caergrawnt, Llsgr. Coleg y Drindod O.7.1 – tudalen 3r
Llyfr Blegywryd
3r
pan eistedho yn|y gadeir. A chyn vras ̷+
set ae hir·vys. A thri ban erni a thri
y deni kyn vrasset ar wialen. A ffuol
eur a anno llaỽn diaỽt y brenhin
yndi. A chlaỽr eur arnei. kyflet ac
ỽyneb y brenhin. kyn teỽhet vyd y
ffuol ar claỽr. ac ewin amaeth a ym+
aethei seith mlyned. neu bliskyn ỽy
gỽyd. Yn|y mod hỽnnỽ y telir sarhaet
brenhin a uo eistedua arbenhic idaỽ
megys dinefỽr dan vrenhin deheu+
barth. neu aberffraỽ dan vrenhin
gỽyned. Ony byd eistedua arbenhic
idaỽ; ny cheiff onyt gỽarthec. Breint
arglỽyd dinefỽr yỽ caffel dros y sar+
haet gỽarthec gỽynyon clustgochy+
on. kymeint ac a anhont ol yn ol rỽg
aergoel a llys dinefỽr. A tharỽ vn lliỽ
ac ỽynt ygyt a phob vgein mu o·ho+
nunt. Ny thelir eur namyn y vren+
hin dinefỽr. neu aberffraỽ. O tri mod
y serheir y vrenhines. pan torher y
naỽd. neu pan traỽher trỽy lit. neu
| « p 2v | p 3v » |