LlGC Llsgr. Peniarth 9 – tudalen 42r
Ystoria Carolo Magno: Can Rolant
42r
1
oydut ti y mi val yd ymdangosseisti yr aỽrỽn*.
2
Os duỽ hagen am kanyatta i dracheuyn y
3
dyuot attaỽch yr hyn a vynnut ti na delỽn
4
mi a dalaf it bỽyth yr hynt hon. os vy nien+
5
ydu i a wneir ti a geffy gelynyon it y|th oys.
6
ny lad y cledyf yr gogyuadaỽ ac ef yny draỽ+
7
her y rolond. Ac ouer yỽ begythyaỽ y neb
8
ny throsso y uedỽl byth yr bygỽth. Dos heb
9
y rolond yr neges y gorchymynỽyt it vynet
10
idi yr hon yssyd dost gennyf|i y orchymyn y
11
ỽr mor llỽfyr a|thti* di. Ac ny cheueis vy hun
12
vynet idi. Ac neur daroyd yna gỽneuthur
13
cỽbyl o|r llythyreu ac eu negesseu ar varsli. Ac
14
ystynnu a oruc charlymayn y lythyreu yna
15
ar wenwlyd. Ac val y ryd y brenhin yn|y laỽ
16
ys dygỽydant hỽynteu yr llaỽr. a|y laỽ ynteu
17
y krynu. Ac yn eu dyrchauayl y vynyd. y do+
18
yth y chwys idaỽ y bop aylaỽt o|y gewilyd
19
y vot mor vygỽl a hynny a phaỽb yn adna+
20
bot arnaỽ hyny. ac yn darogan o gỽymp y
21
llythyr y deuei gỽymp a vei vỽy rac laỽ. Ac
22
yna atteb a oruc gỽenwlyd val hyn val y
23
molo yr hynt vyd hyny. Ac ny thybygaf i
24
vot achaỽs yỽch y oualu. A pharaỽt ỽyfi ar+
25
glỽyd y vynet yr neges hon cany welaf all+
26
el dy drossi o|th aruayth. A chan dy ganyat
27
arglỽyd llyma ytti gannyat heb y charly+
28
mayn. A duỽ o|r nef a rodo yt hynt da lỽyd+
29
yannus. a dyrchauel y laỽ a oruc charlymayn
| « p 41v | p 42v » |