LlGC Llsgr. Llanstephan 27 (Llyfr Coch Talgarth) – tudalen 45v
Pa ddelw y dylai dyn gredu i Dduw
45v
1
hoffed o grevyd. neu o bechaỽt. Bot yn ryuygus yr golut byda+
2
ỽl. neu yr boned neu gampeu da. a|r kyffelybedigyon weith+
3
redoed. Eil pechaỽt marwaỽl yỽ. Kenuigen. sef yỽ hynny bot
4
yn|drỽc gan dyn gỽelet y gymodaỽc yn|kynnydu ar|da bydaỽl
5
neu gampeu da. neu greuyd. neu vot yn ỻawen ganthaỽ gỽ+
6
elet govit neu drỽc yn damchweinyaỽ idaỽ. Trydyd pechawt. Marwawl.
7
yỽ. digassed. sef yỽ hynny. kadỽ o|dyn lit a|gỽenỽyndra yn er+
8
byn y gymodaỽc o achaỽs coỻet neu gam a|wnelit ac ef idaỽ.
9
a|cheissyaỽ ymdial ac ef ar|drỽc drỽy eir neu weithret. Pedw+
10
eryd. pechawt. Marwawl. yỽ. ỻesged a|diogi. a cheingeu y|r pechaỽt hỽnnỽ
11
ynt. ysgaelussaỽ gỽassanaethu duỽ yn|yr amser y dylyo dyn
12
y wneuthur neu y gyrchu. torri gouunet. peidyaỽ a|phenyt
13
a dottei y periglaỽr arnaỽ. anobeithyaỽ am|drugared duỽ.
14
Tristau am goỻi da bydaỽl neu dynyon. a|r kyffelybedigyon
15
weithredoed. Pymhet. pechawt. marwawl. yỽ angaỽrder a|chebydyaeth. Sef
16
yỽ hynny. chwennychu o|dyn neu geissyaỽ da bydaỽl mỽy
17
no|digaỽn. sef yỽ digaỽn dyn bỽyt a|diỻat med selyf doeth.
18
neu gỽedy kaffei dyn da bydaỽl y garu yn ormod neu vot
19
yn ỻaỽ·gaeat amdanaỽ. a cheingeu y|r pechaỽt hỽnnỽ ynt.
20
treis a|lledrat. ac ockyr. a|phob tỽyỻ gyfnewit o|r a|wnel dyn
21
ac araỻ. Chwechet pechawt. marwawl. yỽ. glythineb. sef yỽ hynny. kym+
22
ryt o|dyn o achaỽs digrifỽch knaỽtaỽl bỽyt neu lynn mỽy
23
no digaỽn. a cheingeu y|r pechaỽt hỽnnỽ ynt. keissyaỽ o|dyn
24
tra·destlusrwyd neu dra·chyweirdeb ar vỽyt neu lynn. y gymryt
25
gormod onadunt trỽy ual y bei orthrỽm ar y gorff neu ar|y
26
eneit. neu hyt y kollei y synhỽyreu. neu nerth y gorff. neu
| « p 45r | p 46r » |