Llsgr. Amwythig 11 – tudalen 103
Y Groglith
103
ssei idaỽ na enit Ẏna ẏ gouẏnnỽẏs Judas
ae mẏui athro neu ẏs|tywedeist heb ẏn+
teu Ac ual yd oẏdynt yn bwẏta ẏ kymer+
th Jessu ẏ bara a|ẏ uendigaỽ a|e torri a|e
rodi ẏ disgẏblon A dẏwedut kymerỽch a
bỽyteỽch hỽnn ẏỽ uy|g·horff i a chymrẏt
ẏ karegyl a|e rodi ẏdunt ẏuet paỽb oh+
onaỽch o hỽnn canẏs hỽnn ẏỽ vy|gwaet
ẏn newẏd dedyf ac a|eỻẏgir dros lawer
ẏr madeu eu pechodeu A mi a|dẏwedaf
ywch nat ẏuaf|i beỻach o|r kẏfrẏỽ honn
ẏnẏ vỽyf ẏ·gẏt a chwi ẏn|ternas vẏn
tat ac gwedẏ daruot eu hemẏn ẏ doeth+
ant hẏt ẏm mẏnẏd oliueit Ac ẏna ẏ d+
ẏwaỽt Jessu Paỽb ohonaỽch a odef ẏnof
i heno gỽaratỽẏd maỽr a theruẏsc canys
ẏscriuenedic ẏỽ Mi a drawaf bugeil ẏ gẏ+
nuein ac a|wascaraf ẏ deueit o|r cadỽ A ph+
an gẏuottỽẏf i Mi aỽch raculaenaf ẏg g+
alelẏa Ac ẏna ẏd attebaỽd Pedẏr kẏt yma+
| « p 102 | digital image | p 104 » |