LlGC Llsgr. Peniarth 35 – tudalen 16v
Llyfr Cynog
16v
1
Hyn o anghenyon a oetta kyfreith. yn diodor. angheu
2
a heint neu clefyt gorweidaỽc. Neu uriỽ neu
3
urath ny allo nac ar troet nac ar uarch neu na
4
bo hydrum nac idaỽ nac y gennat. Neu uordỽy
5
achos gweilgi neu gamwynt y rygtaỽ a|e hynt
6
neu karchar neu na chlyho* y wyssyaỽ. Pob
7
un o|r petheu hynny nyt o plegyt yr amdiffynnỽr
8
o lesteireu hynn. Namyn eu bot yn aghennyon
9
gossodedic yg kyfreith. Ac ỽrth hynny nyt ymchoelant
10
wynteu yn agkyfreith. ar y neb y bo y dadleu arnaỽ
11
Gwerth ewin bys llaỽ dyn. dec ar ugeint o
12
aryant. Gwerth y kygỽng uchaf o|r bys chwe+
13
ch ar ugeint a dimei a| thrayan dimei. Gwerth
14
y kygỽng perued pedeir ar dec ar| ugeint a deu
15
parth dimei. Gwerth y kygỽng issaf. Pedwar
16
ugeint a hynny yỽ gwerth y bys oll
17
[ llyma naỽoed kyfreith. Sef ynt. Naỽ affeith ga+
18
lanas. Naỽ affeith lledrat. Naỽ affeith tan.
19
Naỽ pynuarch brenin. Naỽ tauodyaỽc. Naỽ ky+
20
negwedi teithiaỽc. priodas a·gwedi caradas.
21
Deu| lysuab llathlut. llathlut goleu. llathlut
22
tỽyll. Beichogi tỽyll y rỽg llỽyn a pherth kynni+
23
wedi ar liỽ ac ar oleu. tỽyll uorỽyn. Naỽ eir kyng+
24
haỽssed. Naỽ nos gwesti. Naỽ dieu teruyn;
25
Naỽ ugeint diwat. Naỽ mot·ued. Naỽ dyrnued
26
naỽ troetued. Naỽ cam. Naỽ cuuyt. Naỽ mis
27
tymp. Pỽy| bynhac a losgo ty ac a|e gwatto
| « p 16r | p 17r » |