LlGC Llsgr. 3035 (Mostyn 116) – tudalen 16r
Ystoria Dared
16r
1
o|rodit hi idaỽ ef ynteu a ymhoelei adref drachefẏn
2
a|e virmidones nyt amgen no gỽyr y|wlat ef y·gyt
3
ac ef a|r aỽr y|gỽnelei ef hẏnẏ ac y|gỽnaei y|tywyssogyon
4
ereiỻ oỻ y|kyffelybrỽyd a|r gỽas a gerdaỽd rac·daỽ ac
5
a|datkanaỽd y|ecuba yr hẏn a orchymynassei achil idaỽ
6
a|hitheu a dywaỽt vot yn da genti hi hẏnẏ o|r bei da
7
gan priaf y gỽr hi a|thra|vei hitheu yn ymgyffroi a|phri+
8
af. erchi a|wnaeth hi y|r negesswas ymhoelut drae y
9
gefyn. agamemnon a ymhoeles a|niuer maỽr gantaỽ
10
o|logeu ygẏt ac ef at y|ỻu. ac ecuba a ymadrodes a|phriaf
11
am dadyl achil. a|phriaf a dywaỽt na eỻit veỻy nyt yr
12
tebugu ohonaỽ ef na bei teilỽg y|achil y|ymgyffely+
13
bu ac ef namyn kyt rodei y verch idaỽ a|e enkil ef o+
14
dyno nat enkilyei y|tywyssogyon ereiỻ mỽy no|chynt
15
ac ony bei hẏnẏ ynteu uot yn drỽc ac yn enwir gan+
16
taỽ ef rodi y verch eu gelyn ac ỽrth hẏnẏ o|r mynei
17
achil hẏnẏ bei dragywydaỽl dagned yrydunt ac en+
18
kilyei y|ỻu yn gyntaf a|chadarnhau y|dagneoued ac o|r
19
gỽnelei ef hẏnẏ ynteu a|rodei y verch idaỽ ef ac y+
20
veỻy anuon a|wnaeth achil y|was at ecuba val yd
21
oed ossodedic y·rydunt y ỽybot beth a gaỽssei briaf y+
22
n|y gygor am y|neges ef ac ecuba a adrodes oỻ y|r
23
gỽas yr hyn a|gauas gan briaf. a|r gỽas a|e datkanỽys
24
y achil ac yna achil a|gỽynỽys na aỻei ry|ludyaỽ hoỻ
25
roec a|throea yn ymlad o|achaỽs vn wreic. nyt amgen
26
noc elen vanaỽc ae* hyt yr amser yr yttoedynt yn
27
hẏnẏ a|r saỽl vilioed o|dynyon a|r ladyssit yno a bot
28
eu rydit ỽy yn rỽymedic. ac ỽrth hẏnẏ bot yn reit
29
gỽneuthur tagnoued a|gỽasgaru y|ỻu ac yna y|dar+
30
uu y vlỽydyn a|theruyn y|gygreir. a|phalamidesa ̷
| « p 15v | p 16v » |