LlGC Llsgr. Peniarth 33 – tudalen 7
Llyfr Blegywryd
7
heb eur a|heb arẏant. Y|brenhin bieu
rodi ẏ|r etlig ẏ holl treul a|e holl gẏ+
freideu in* anrẏdẏdus* y* |letẏ yr etlig
ẏỽ neuad y|brenhin. a|chẏt ac ef ẏ|byda+
nt y|maccỽẏeit. A|r kynudỽr a|dyly ̷
kynneu tan idaỽ a|chayỽ drẏsseu gu ̷+
edy yd el yr etlig y|gyscu yn diogel. Anc+
wyn a geiff yn|diuessur kannẏs di ̷ ̷+
gawn a dẏlẏ. Tri rẏỽ ẏssẏd; bren+
hin. a|breẏr. a|bilaein ac eu haelodeu
aelodeu brenhin nẏt*. ẏr rei a|perthẏ+
nont ỽrth vrenhinaỽl vreint kẏnẏs
pieiffont. Ac ohonunt oll breinholaf
ẏỽ ẏr|eglis*. kannẏs ef a|leheir ẏnn|ẏ
ỻe ẏ|gỽrtrẏchir* teẏrnnas ohonnaỽ
ỽrth gẏfeistẏdẏaỽ llẏs. Eissoes o|r pan
gẏmerhỽẏnt tir; eu breint a|vyd
ỽrth vreint ẏ tir a|gẏnhalẏont.
O r pan eistedo brenhin ẏnn|ẏ
eistedua ẏnn|ẏ teir gỽẏleu ar+
bennic; ef a|leha ar|ẏ|asseu neb
vn bonhedic a|uo breint idaỽ o|eti ̷+
uedẏaeth eisted ach ẏ|laỽ; ẏ|kẏ+
ghellaỽr ach|laỽ hỽnnỽ. Guedẏ y+
nteu ẏr|hebogẏd. Ac ar|ẏ|deheu ẏ|neb ̷
| « p 6 | p 8 » |