Rhydychen, Llsgr. Coleg yr Iesu 57 – tudalen 31
Llyfr Blegywryd
31
Rann gỽr a|geif mab pob teuluỽr. a chanys pen+
kerd a|dechreu pob kerd. yn nessaf y|r penteulu y
dyly eisted. O|r pan|del y brenhin y|r neuad hyt
pan|el paỽp o|e letty. ny dyly dryssaỽr mynet y
ỽrth y drỽs mỽy no|hyt y vreich a|e wialen. ac o|r kef+
fir beỻach no hynny a|e sarhau. ny diwygir
dim idaỽ. ỻestyr a vyd idaỽ yn|y neuad y dodi
y wiraỽt. Distein a|r gỽaỻofyeit oỻ. gyt ac ef
yn|y teir gỽyl arbennic a|ofỽyant y dryssaỽr
o dodi y wiraỽt yn|y|lestyr. o|r kyrn. ac o|r mei+
leu. Ef a|geif corneit gan y brenhin. ac araỻ
gan y vrenhines. ac* trydyd gan y pengỽastra+
ỽt o wiraỽt yr ebystyl pan roder. Crỽyn y
gỽarthec a|lader yn|y gegin. ef a|e keidỽ hyt
pan ranner a|cheinyaỽc a|geif ynteu o bop
croen. O|r ỻud y porthaỽr neu y dryssaỽr neu+
ad vn|o|r sỽydogyon y ỽrth y drỽs dan y adna+
bot. camlỽrỽ deu·dyblyc a|tal y|r brenhin. a phe+
deir keinyaỽc. kyfreith. y|r sỽydaỽc. ac os vn o|r sỽydogy+
on arbennic vyd hỽnnỽ. talet yn|deudyblyc
[ idaỽ.
| « p 30 | p 32 » |