LlGC Llsgr. 3035 (Mostyn 116) – tudalen 72r
Brut y Brenhinoedd
72r
1
gỽedy ymlad ac ỽynt drỽy euyrỻit y gỽyn·uydedic
2
ỽr hỽnnỽ kaffel y vudugolyaeth A gỽedy mynet
3
hynẏ yn honeit dros y|teyrnas. ymgynuỻaỽ a
4
orugant yr hoỻ vrytanyeith* hyt yn certetyr
5
A gỽisgaỽ coron y|teyrnas am ben custenin A|e
6
vrdaỽ yn vrenhin ar ynys brydein A rodi gỽreic
7
idaỽ a hanoed o|dylyedogẏon rufein Ac a|uagyssit
8
yn ỻys kuelyn archescob ỻundein Ac o|r wreic hono
9
y bu idaỽ tri meib. Sef oed y rei hyny. Constans
10
ac emrys wledic Ac vthur bendragon. A rodi a|wna+
11
eth ef. constans y mab hynaf idaỽ ar vaeth y|uauach*+
12
laỽc amphibalus yg|kaer wynt ỽrth y wneuthur
13
yn vynach A|r deu vab ereiỻ. emrys ac vthyr a
14
rodet ar vaeth at guelyn archescob ỻundein Ac
15
ym pen y deudec mlyned gỽedy hynnẏ y doeth vn o|r
16
fichteit a|r|uuassei ỽr idaỽ kyn no hynnẏ a galỽ y
17
brenhin attaỽ megys y gyfrỽch yn ỻe yskyfalaff
18
a gỽedy gyrru paỽb y ỽrthunt y lad a|chyỻeỻ.
19
A c yna gỽedy ỻad custenin vendigeit y kyfodes
20
annuundeb y·rỽg gỽyrda y teyrnas am wneuth+
21
ur brenhin. kanys rei a|vynhynt wneuthur
22
emrys wledic yn vrenhin. Ereiỻ a vynhei wneuthur
23
vthyr ben·dragon. Ereiỻ a vynynt wneuthur vn
24
oc eu kenedyl Ac o|r diwed gỽedy na duunynt am
25
hyny Sef a wnaeth gỽrtheyrn gỽrtheneu jarỻ oed
26
hỽnnỽ a* went ac ergig ac euas ỽrth geissaỽ y vren+
27
hinyaeth idaỽ e|hun. o|r diwed mynet hyt yg|kaer
28
wynt y ỻe yd oed gonstans yn vynach y mab hy+
29
naf y gustenin vendigeit oed hỽnnỽ a dywedut ỽrth+
30
aỽ val hyn Constans heb ef dy dat ti ẏssẏd varỽ
| « p 71v | p 72v » |