LlGC Llsgr. Llanstephan 27 (Llyfr Coch Talgarth) – tudalen 46r
Pa ddelw y dylai dyn gredu i Dduw
46r
1
gymryt bỽyt neu lynn kynn offeren duỽ sul. neu yn dydy+
2
eu gỽylyeu arbennic. neu yn vynychach noc un·weith yn
3
dydyeu katkoreu a miuilyaeu seint a|r garawys. Seith+
4
uet pechawt. Marwawl. yỽ godineb. Sef yỽ hynny gỽeithret kyt·knaỽt y+
5
rỽng gỽr a|gỽreic yn ampriaỽt neu ewyỻys ar weithredu
6
a gỽreic·adyat. torri priodas. neu uorỽyndaỽt. treissyaỽ
7
gỽreic. pechu yn erbyn kywydyaeth. neu greuyd. neu a dyn
8
diofredaỽc. neu a|dyn ac urdeu kyssegredic arnaỽ. neu
9
a|chreuydyn proffessaỽl. neu bechu yn erbyn anyan a dyn
10
neu ac aniueil. ~ ~ ~ ỻyma seith rinwed yr|eglỽys.
11
Y R medeginyaethu eneit dyn o|r seith bechaỽt marỽ+
12
aỽl y rodes duỽ seith rinwed y|r eglỽys. nyt amgen
13
ynt. Bedyd escob. a bedyd offeiryat yn|gyntaf oỻ ohon+
14
nunt. a segyrffyc. penyt. angenn. vrdeu kyssegredic. a phri+
15
odas. Sef yỽ rinwed y bedyd. bot yn uadeuedic diboen y|dyn
16
y hoỻ bechodeu gỽedy bedyd. a heb uedyd nyt oes fford na
17
gobeith y dyn y gaffel gỽaret na nef. ac o achaỽs hynny. duỽ
18
o|e uaỽr drugared a|rodes medyant a gaỻu y bop ryỽ dyn
19
y vedydyaỽ rac perigyl angeu. Eil rinwed yỽ bedyd escob
20
a|honno a rodir y dyn yr kadarnhau y ffyd a|e gristonogaeth
21
ganthaỽ. Ac o rinwed y bedyd hỽnnỽ haỽs vyd idaỽ ỽrthlad
22
y kythreul y ỽrthaỽ. ac ymgadỽ rac pechodeu. Tryded Rinwed.
23
yỽ. segyrffyc. Sef yỽ hynny. corff crist yn hoỻaỽl o eneit a
24
chorff a|dỽywolyaeth megys y mae yn|y nef. a hynny oỻ dan
25
liỽ y bara a|r gỽin. a|hỽnnỽ a rodir yr tangnofedu duỽ a
26
phechadur. ac yr rydhau eneit dyn o bechaỽt marwaỽl. ~
| « p 45v | p 46v » |