LlGC Llsgr. Llanstephan 27 (Llyfr Coch Talgarth) – tudalen 182v
Gwyrtheu Mair
182v
1
sancte dei genitrix. tu sola mater in·nupta. ỻawenhaa
2
y gyssegredic uam duỽ wyry. Te laudat omnis sanctura
3
genitricem lucis. Ty|hun yssyd vam heb gyt·knaỽt. ti a
4
uaỽl yr hoỻ weithretoed. Sis pro nobis quesumus perpetua
5
interuentrix. Mam y goleuat. ni a|th adolygỽn byd eirol+
6
wreic drossom yn dragywyd. A phan doeth y|dywededic yscol+
7
heic hỽnnỽ ar y diwed y dechreuaỽd ymoualu a|chythrudyaỽ
8
o|diruaỽr ovyn. A gỽedy ymdangos o|r gyssegredic wyry i+
9
daỽ y dywaỽt. Na vit ouyn arnat kanny diodefy dim drỽc
10
ynghyueir y geniuer ỻewenyd a|datkeneist ditheu ymi.
11
kanys kyfrannaỽc uydy ditheu ygyt a|mi o hynn aỻan
12
o|r geniuer gỽeith o|r mod y treytheist ditheu lewenyd ymi.
13
A|phan gigleu ynteu hynny. tebygu a|oruc bot yn etvryt
14
idaỽ y iechyt. A|phan yttoed trỽy lewenyd yn mynnu ymgy+
15
uot. y eneit a|aeth o|e gorf parth a pharatwys. y gymryt
16
ỻewenyd tragywyd ual y hadaỽssei y wynuydedic ueir idaỽ.
17
L Eidyr oed gynt. a|e enỽ oed ebbo. ac a|dreisassei da e+
18
reiỻ laỽer gỽeith. ac eissoes en·rydedu a|wnaei o|e gal+
19
lon y gyssegredic uam duỽ. a|diwarnaỽt y damchweinaỽd
20
idaỽ ac ef yn ỻedratta y dala o|e elynyon. A gỽedy na aỻei
21
ymwadu a|r gyflafan. y ducpỽyt o|e grogi heb neb·ryỽ dru+
22
gared na gohir. A gỽedy y|grogi nachaf yn|dyuot mam
23
duỽ yn|ganhorthỽy idaỽ. ac ual y gỽelit idaỽ yn amlỽc y+
24
n|y gynnal a|e dwylaỽ heb y adel y dibynnu. a|heb diodef neb+
25
ryỽ godyant. A phan y gỽyl a|e crogassei efo yn vyỽ. ac yn
26
ỻawen megys kynny bei boen arnaỽ. tebygu na ladyssei
27
y magyl arnaỽ. yn|y ỻe dynessau attaỽ a|orugant ar uedyr
| « p 182r |