Breudwd Welsh Prose 1300-1425
Cymraeg

NLW MS. Peniarth 9 – page 28r

Ystoria Carolo Magno: Rhamant Otfel

28r

*heb hỽy velly dy|eni eroet. Ac estud o lengy   ch+
aỽc prouedic y dayoni oed hỽnnỽ. a gyuodes y
vynyd a|throssaỽl maỽr pedrogyl yn|y laỽ ac a
geissỽys y daraỽ a hỽnnỽ. a rolont a aeth y ryd+
dunt. ac a dywot ỽrth estud val hyn. estud heb
ef yr vygkaryat i. o chery di vi o dim peit ar
saracin. Ac arbet idaỽ. canys yttiỽ yn ymdir+
et ynof i na attỽyf wneuthur drỽg idaỽ. A gat
idaỽ dywedut y holl ewyllis. Ac yna sef a wy+
nayth marchaỽc ac annỽyt krynỽr gantaỽ
prouycel y gelwit o sein gille. mynet o|r tu dray+
geuyn yr gennat heb ỽybot idaỽ. ac a|y deu
dỽrn ymauel ygỽallt y ben a|y tynnu ganta+
ỽ yr llaỽr. Ac otuel a gyuodes yn llym y vynyd.
ac a|tynỽys curceus y gledyf a|y dỽrn yr eu+
reit. Ac a drewis pen y marchaỽc y arnaỽ y+
ny vyd yn gỽary yn ymyl trayt y brenhin.
Ac yna sef a wnayth y ffreinc erchi y dala.
Ac ynteu a enkilyỽys ar neilltu oc eu plith
hỽy. a|y lygeit wedyr gochi a rei hyny yn troi
yn|y ben yn uuan. Kynhebic oyd y leỽ newy+
naỽc a uei yn rỽym ac a darffei y lidyaỽ. A+
c ha* kyffro maỽr yn|y neuad am y|chwayn
honno. ef a|dywot o nerth y ben. A|uarỽne+
it heb ef na chyffroỽch. Myn mahumet y gỽr
yd ymrodeis idaỽ mi a wnaf seith cant o+
honaỽch yn veirỽ y kynhenhoch. Ar am+
heraỽdyr yna a gyuodes y uynyd ac a erch+
is idaỽ rodi y gledyf attaỽ ef. Ar saracin a

 

The text Ystoria Carolo Magno: Rhamant Otfel starts on line 1.