Breudwd Welsh Prose 1300-1425
Cymraeg

NLW MS. Peniarth 5 (The White Book of Rhydderch, part 1) – page 101v

Ystoria Carolo Magno: Can Rolant

101v

169

lond y|nei yntev bieiuyd y|ran  ̷+
nev arall y kyuoeth o|e daly
yn|yr yspaen. ac ony wnney
hynny o|th vod ti a|e gỽney o|th
anuod. ac ef a|daỽ y damgyl  ̷+
chynv cesar augustam dy di  ̷+
nas di. ac nyt a y|ỽrthaỽ yny
caffo. a|th dỽyn dithev o|th an+
uod yn rỽym gantaỽ y freinc.
ac yno y|th gymhellir o|th an+
uod yr hynn a gymer gennyt
o|th vod yr aỽr honn. A|phann
daruu y|r brenhin dyỽedut hynny ỽr+
th ỽenỽlyd. kychỽyn ymdeith
a oruc gỽenỽlyd. a|chant mar+
chaỽc syberỽ hard a hanoed  ̷ ̷+
ynt o|e dylỽyth e|hun a|e kan+
ym·daassant o|r llys y|ymdeith.
Ef a|doeth y|ỽ bepyll. ef a ymba+
rattoes o adurn hard syberỽ.
ef a ysgynnỽys ar varch hard
kadarnn. ac yn hynny gỽyr+
da yn|y gylch yn|y wassanae+
thu. ac yn ym·gynnic idaỽ yn
getymdeithon y hynt. Nyt
ef a|wnel duỽ heb·y gỽenỽl+
yd mynnv ohanaf|i dỽynn
neb y|aghev gyt a mi. llei o
drỽc yỽ vy|llad i vy hun no
llad neb ohonaỽch chỽi gyt
a mi. ac ysgaỽnach yỽ y chith+
ev clybot vy aghev inhev no
e ỽelet. Pan deloch hagen y
freinc annerchỽch hagen
o m parthret. i. vy|gỽreic. a
battỽin vy mab. ac val y|dy+

170

lyỽch cadỽ ketymdeithas a  ̷
mi yn varỽ val yn uyỽ. Mi a
adolygaf ywch cadỽ yr vn ge+
tymdeithas honno ac ỽyntỽy.
a minhev a|adolygaf. ac ychỽi
ac vdunt hỽy canhỽrthỽyaỽ
vy eneit o|sallỽyrev. ac offer+
ennev. ad rodi dillat y|noeth
a bỽyt y|neỽynnaỽc. ac yn
ol yr ymadrodyon hynny gỽ+
enỽlyd a gerdỽys y gan y get+
ymdeithon ygyt a chanadev
y pagannaeit. a dryc·yr·uerth
a gymerth y getymeithon. a|e
dylỽyth ymdanaỽ. kynt bỽy
kynt. a|dyỽedut. detỽyd. a|do+
nyaỽc tyỽyssaỽc ymhỽel a·ttam
dracheuen yn yach. bychan
y|th garrei a|th anuones y|r
hynt honn. Bybychan heuyt
y|th garei rolond dy|lysuab
pan y|th etholes y|neges mor
berigyl a honn. lles oeds idaỽ
ef hagen pei delut ti drache+
uen yn yach. a lles oed idaỽ
heuyt na chyfarffei a thi gan
varsli na sarhaet. na cham.
na chollet. kanys y gan gene+
dyl gymeint ry|gerdeist|i. ac
na eill charlymaen e|hun di+
ffryt rolond rac aghev y|gen+
hym ni ony deuy di yn yach
attam ni. ac yn dibryder ỽe+
dy cỽpleych dy|negessev. a chy+
uar·ystlys a gỽenỽlyd y|mar+
chocaỽys blacant yn ỽahanedic