Breudwd Welsh Prose 1300-1425
Cymraeg

NLW MS. Peniarth 4 (The White Book of Rhydderch, part 2) – page 30v

Peredur

30v

119

minheu a|dẏwedỽn itti ẏr hẏn
a|ofẏnnẏ titheu. Dẏwedaf ẏn
llawen. beth ẏỽ heb ef ẏ|r|kẏfrỽẏ
kẏfrỽẏ heb·ẏr owein. Gofẏn a
ỽnaeth peredur beth oed pob
peth a peth a uẏnnit ac a ellit ac
ỽẏnt. Owein a venegis idaỽ
ẏnteu ẏn llỽẏr beth oed pob peth
ac a|ellit o·honaỽ. Dos ragot heb+
ẏ peredur mi a|weleis ẏ kẏfrẏỽ
a ofẏnnẏ ti. a minheu a af ẏ|th ol
ti ẏn varchaỽc ẏr aỽrhon. Ẏna
ẏd ẏmchoelaỽd peredur ẏn|ẏd oed
ẏ vam a|r nifer. Mam heb ef nẏt
egẏlẏon ẏ rei racco namẏn mar  ̷+
chogẏon. Ẏna ẏ|dẏgỽẏdỽẏs hi
ẏn|ẏ marỽleỽic. ac ẏd aeth ẏnteu
peredur racdaỽ ẏn|ẏd oed ẏ kef  ̷ ̷+
fẏleu a gẏwedei gẏnnut udunt.
ac a dẏgei bỽẏt a llẏn o|r kẏfanhed
|r ẏnẏalỽch. a cheffẏl brẏchwelỽ
ẏscẏrnic krẏfaf a|tebẏgei a|gẏm  ̷ ̷+
erth. a|fẏnorec a|wascỽẏs ẏn gẏf  ̷+
rỽẏ arnaỽ a|thrachefẏn ẏ doeth ẏn
ẏd oed ẏ vam. ar hẏnnẏ llẏma
hitheu ẏr iarlles ẏn datlewẏgu.
Je heb hi ae kẏchwẏn a uẏnnẏ ti.
Je heb ef. aro ẏ genhẏf|i gẏghoreu
kẏn cynn d|gẏchwẏn. dẏwet heb ef ar
vrys mi a|e|haroaf. Dos ragot
heb hi ẏ lẏs arthur ẏn|ẏ mae go  ̷+
reu ẏ gỽẏr a|haelaf a|deỽraf. Yn|
gelẏch eglỽẏs; can dẏ pater ỽrthi.
O gỽelẏ vỽẏt a diaỽt o bẏd reit
it ỽrthaỽ ac na bo o|ỽẏbot a|dayoni
ẏ rodi it. kẏmer tu|hun ef. O chlẏỽẏ

120

diaspat. dos ỽrthi. a|diaspat gỽreic
anat diaspat o|r bẏt. O gỽelẏ tlỽs
tec kẏmer ti euo. a dẏro titheu ẏ
arall. ac o hẏnnẏ clot a geffẏ. O  ̷ ̷
gỽelẏ gỽreic tec; gordercha hi.
kẏn nẏ|th vẏnho; gỽell|gỽr a|ffe  ̷+
nedigach ẏ|th ỽna no chẏnt. ac o
wẏdẏn ẏ daroed idaỽ danwaret
ẏ kẏweirdebeu a welsei o bob peth.
a chẏchwẏnu racdaỽ ymdeith a  ̷
dẏrneit gaflacheu blaenllẏm ẏn
ẏ laỽ. a dỽẏ nos a deudẏd ẏ bu ẏn
kerdet ẏnẏalỽch a|diffeithỽch heb
uỽẏt heb diaỽt. ac ẏna ẏ doeth ẏ
goet maỽr ẏnẏal. ac ẏmhell ẏn
ẏ coet. ef a ỽelei llanerch o vaes.
ac ẏn ẏ llanerch ẏ gỽelei pebẏll.
ac ẏn rith eglỽẏs ef a gant ẏ pater
ỽrth ẏ pebẏll. a|pharth a|r pebẏll
ẏ daỽ. a drỽs ẏ pebẏll a oed ẏn ago  ̷+
ret. a chadeir eur ẏn agos ẏ|r|drỽs.
a morỽẏn wineu telediỽ ẏn eis  ̷+
ted ẏn ẏ gadeir a|ractal eureit am
|thal a mein damllẏwẏchedic ẏn
ẏ ractal. a modrỽẏ eur vras ar ẏ
llaỽ. a|disgẏnnu a oruc peredur.
a dẏuot ẏ mẏỽn. llawen uu ẏ vo  ̷+
rỽẏn ỽrthaỽ a chẏfarch gỽell idaỽ
a ỽnaeth. ac ar tal ẏ pebẏll ẏ gỽelei
bỽrd. a dỽẏ gostrel ẏn llaỽn o|win.
a dỽẏ torth o vara can a golỽẏthon
o gic mel voch. vẏ mam heb peredur
a erchis imi ẏn|ẏ gỽelỽn bỽẏt a|dia  ̷ ̷+
ỽt ẏ gẏmrẏt. dos titheu vnben heb
hi ẏ|r bỽrd. a graessaỽ duỽ ỽrthẏt.
Y|r bỽrd ẏd aeth peredur a|r neill  ̷ ̷