NLW MS. Peniarth 32 (Y Llyfr Teg) – page 257
Brut y Saeson
257
degỽch ac arogleu da yna. yna yd|oed Godvin tỽyỻaỽdyr
megys gỽarcheitỽat ar|y|dernas a Justus Ac val yd|oed
yn mordỽyỽaỽ y flandrys ef a|e kymheỻaỽd moraỽl
dymestyl y normandi A* yno y delit ef y gan Wiỻiam
bastard Ac y|tyghaỽd ef y Wyỻiam Bastard priodi e verch
A|chadỽ y dernas vedy Edwart. A gỽedy y oỻỽng y
torres y lỽ. kanys pan vu varỽ Edwart y
kymerth e hun y dernas trỽy y geder·nyt
a|e genedyl. Ac am hynny drỽy dri achos
y ỻidyaỽd Wiỻiam Bastard wrt˄haỽ nyt am +
gen vn oed am|dilygeitaỽ o·honaỽ aluryt
braỽt Edwart yn Eli. Eil oed am|dethol o
etỽin a|e veibyon. Archescob keint a|r freinc. Try ̷+
dyd oed am|oresgyn o·honaỽ yn erbyn y lỽ yn|aghy ̷ ̷+
freithus gaỻ y deyrnas a|dylyei Wiỻiam Bastard y|chaffel.
[ Sỽech* mlyned a|thrugeint. a. Mil oed. oet. crist pan
deuth Wiỻiam Bastard yn erbyn harffỽrt y ryfelu Ac
y ỻadaỽd ef ac y cladỽyt yn valtam Ac yna y|coron ̷ ̷+
haỽyt Gwiỻiam Bastard yn ỻundein y gan archescob Jorc
duỽ sadỽrn amgylch diỽed mis hydref Hỽnnỽ a ra+
gores o glot pob brehin o|e|ỽlaen kanys kaỽr tagno ̷ ̷+
uedus o oes ac vuyd y|darystedigyon ˄a|chreulaỽn vrth y ỽrthỽynybydigyon. Ef a adeilaỽd
manachlaỽc y batail a tham Jdaỽ y bu bedy·ỽar|meib
A|phump merchet kyntaf mab a vu idaỽ Robert
cỽrteis. Eil vu Wiỻiam goch. trydyd vu Ricart a vu
varỽ. yn vab Pedwaret vu henri ysgolheic.
| « p 256 | p 258 » |