NLW MS. Peniarth 190 – page 202
Ymborth yr Enaid
202
neu ysgewyỻ. neu heul ysplennyd nefaỽl.
Megys ỻoer enidyd. neu seren y|morỽyr.
neu uenuf* pan vei deckaf yn|y nefaỽl gylch.
neu|heul hafdyd pan vei egluraf yn tyỽ+
ynnu disgleirloeỽ eglurder am hanner
dyd vis mehevin yn haf. Ac odyna deu
berffeithloeỽ rudyeu troeỻeid ffuonỻiỽ
yn|disgleiryaỽ. megys gỽaỽr voredyd haf.
neu deu vlodeuyn o rosys coch. neu heul
ỽrth·ucher yn mynet yn|y hadef. ac yn tyỽ+
ynnu ar vynyd o eur perffeithloeỽ. neu dis+
gleirwin gloewgoch yn|disgleiryaỽ drỽy
lestyr gỽydrin teneu. Ac ueỻy yd oed gloe+
ỽgoched y deurud yn perffeithyaỽ claer+
wynder y kyssegredic wyneb. A|e glaerw+
ynder ynteu yn kymysgu tegỽch ar y
gloeỽgochyon rudyeu. ac ygyt yn egluraỽ
disgleirder ar y|melynỻaes amylwaỻ hỽn+
nỽ. a hỽnnỽ yn goleuhau serchaỽl degỽch
arnadunt ỽynteu. Ac odyna purloeỽ+
dued yr aeleu a|r amranneu yn mỽyhau
| « p 201 | p 203 » |