Breudwd Welsh Prose 1300-1425
Cymraeg

NLW MS. Peniarth 190 – page 19

Ystoria Lucidar

19

gosset idaỽ y genit crist a|r eglỽys o·honaỽ.
ac yn|y ỻe pan deffroes ef y proffỽydaỽd o·ho+
nunt ỽy. discipulus Paham na chreaỽd duỽ yr hoỻ
etholedigyon y·gyt megys y crewyt yr engyl+
yon oỻ. MagisterDuỽ a|vynnaỽd bot dyn yn gyf+
felyb idaỽ e|hun. a hynny yr geni yr hoỻ dy+
nyon y gan adaf. megys y ganet pob peth
y gan duỽ. discipulus Paham y creaỽd duỽ ỽynteu
megys y gellynt bechu. Magister|Yr bot yn vỽy eu
gobrỽyeu. kanys duỽ a|rodes rydit udunt y e+
thol y da. a|thal maỽr o wrthot y drỽc. discipulus Pa de+
lỽ yd hilyynt ỽy pei trigy·assynt ym|paradỽys.
Magister|Megys y gỽesgyr y ỻaỽ ỽrth y llall. velly
yd ymwesgynt ỽy heb chwant. ac megys y
drycheif y ỻygeit y edrych. veỻy y gỽnaei yr
aelaỽt synyedic hỽnnỽ y wassanaeth discipulus Pa
wed yd esgorei hi. Magister Heb vudred a|heb dolur.
discipulus A vydei y mab yn wann a heb aỻu dywedut
megys yr aỽr honn. Magister Yn yr aỽr y genit. ef a
gerdei ac a|dywedei. ebrỽyd y diffygyei ynteu.
ef a vỽytaei o ffrỽytheu y gỽyd a|oedynt yno.