NLW MS. Peniarth 18 – page 8v
Brut y Tywysogion
8v
1
a oruc ef y|rodi bop dim o|r a|allei. ac a|archei. Ac
2
ynn gynntaf yd erchis gỽystlon y|uap ridit o uei+
3
bon goreugỽyr y|ỽlat. Yr eil ỽeith yd erchis ithel
4
y uraỽt a|thry|chann punt o aryant py|fford|bynnac
5
y|gallei dyuot vdunt. Ac yna y|rodet mab cadỽgan
6
uap bledyn yr hỽnn a|anyssit o|r ffrankes. Ac a elỽit
7
henri. Ac a dalỽyt cann morc drostaỽ. Ac yna y|rodet
8
y|ỽlat edaỽ* ef. A|llaỽer a dalaỽd. Ac yna y|gollygaỽd ef
9
mab cadỽgaỽn. Ac yg|kyfrỽg y|petheu hynny y gỽna+
10
eth oỽein a madaỽc. a|e ketymeithon laỽer o dry+
11
geu yggỽlat ac ynn lloegyr. a phy beth bynnac a
12
geffynt nac o|treis nac o|ledrat. y|tir Joruerth y|dy+
13
gynt. Ac yno y|pressỽylynt. Ac yna anuon kenna+
14
dỽri a oruc ioruerth attunt ynn garedic. a|dyỽedut
15
ỽrthunt ual hynn. duỽ an|rodes ni ynn llaỽ ynn
16
gelynyon ac an|derestygaỽd ynn gymeint ac na a+
17
llem gỽneuthur dim o|r a vei eỽyllys genhym. Gỽa+
18
hardedic yỽ yni baỽp o|r bryttannyeit hyt na chy+
19
ffredino neb ohonam ni a|chỽi. nac o uỽyt nac o
20
diaỽt. nac o nerth. nac o gannhorthỽy. namyn y
21
ych keissaỽ ach hely ym pob lle. ach rodi yn|y diỽed
22
ynn llaỽ y|brenhin yỽch carcharu. neu yỽch llad.
23
neu yỽch diuetha. neu y|ỽneuthur yr hynn a|vyn+
24
hei a|chỽi. Ac ynn bennaf y|gorchymynỽyt ymi. a
25
chadỽgaỽn nat ym cretem a|chỽi. kanys ny digaỽn
26
nep tybygu na damuno tat neu eỽythyr da yỽ mei+
| « p 8r | p 9r » |