NLW MS. Peniarth 18 – page 65v
Brut y Tywysogion
65v
1
lu a|oruc o holl o* loeger y|ymlad ar castell ỽedy gỽyl
2
Jeuan vedyddỽr. Ar castellỽyr ynn ỽraỽl a|gynhaly+
3
assant y|castell. hyt nos ỽyl thomas ebostol. Ac
4
yna rac eissev ymborth y rodassant y castell drỽy
5
gael yn yach y|heneitev a|e haelodeu a|e haruev.
6
ynn ryd. Y|vlỽydynn racỽyneb yd ymaruolles
7
llywelyn ap grufud a iarll clar. Ac yna y|kynnullaỽd y|iarll
8
diruaỽr lu ac y kyrchaỽd lundein a thrỽy dỽyll y
9
bỽrdeisseit y|goresgynnaỽd y dref a|phann giglev
10
henri vrenhin ac edỽerd y vap hynny. kynullaỽ dir+
11
uaỽr lu a|orugant. A chyrchu llundein ac ymlad a|hi
12
a|thrỽy amodeu kymell yarll ar bỽrdeisseit y ymro+
13
di vdunt. A|gỽedy hynny dyỽ gỽyl calixti pape y
14
phuryfhaỽyt hedỽch rỽg henri vrenhin a llywelyn ap grufud
15
trỽy octobonus legat y|pab yn gymeruedỽr y·rygtunt
16
yg|kastell baldỽyn. A|thros y|kyfundep hỽnnỽ yd|edeỽis
17
llywelyn ap grufud yr brenhin deg|mil ar|hugeint o|vorckev
18
o ysterligot. Ar brenhin a|kenhadaỽd idaỽ yntev gỽr+
19
ogaeth holl varỽneit kymry. Ac ymhal* o|r barỽne+
20
it o|r eidunt y|danaỽ yntev vyth. Ac eu galỽ yn
21
tyỽyssogyon kymry o hynny allann. Ac yn tystoly+
22
aeth ar hynny y canhadaỽd y brenhin y|chartyr
23
y|lyỽelyn o gytsynnedigaeth a|y etiuedyon. yn rỽyme+
24
dic o|e ynsel ef ac ynsel y|dyỽededic legat. a|hynny
25
a|gadarnnhaỽyt o aỽdurdaỽt y|pab. Yn|y ulỽydyn
26
honno y|lladaỽd charlys vrenhin sigil coradin
| « p 65r | p 66r » |