NLW MS. Peniarth 11 – page 84v
Ystoriau Saint Greal
84v
1
ny dugassei y prenn arnaỽ chweith blodeu eirioet. A|gỽedy hyn+
2
ny ỽynt a vlodeuassant ac a|ffrỽythassant. a|r prenn a gym+
3
merth y ỻiỽ glas arnaỽ a gadaỽ y ỻiỽ gỽynn. Hynny a|arỽydoc*
4
yr honn a|e plannassei a goỻes y gỽyrder. ac ueỻy y|bu y prenn
5
hỽnnỽ yn hir yn las. ac ueỻy heuyt y bydei bop vn o|r a|delei
6
o·honaỽ yny vu abel yn wr maỽr ac yn gywir y|duỽ. kanys ef
7
a degemei yn gywir o|r hynn teckaf ar y helỽ. Eissyoes kaẏn
8
y vraỽt. ny wnaei efo veỻy. namyn kymryt yr|hynn gwae+
9
thaf a butraf ar y helỽ. a hỽnnỽ a offrymei ef ac y degemmei
10
o|e arglỽyd. a|duỽ a|edrychaỽd ar hynny. kanys y neb a|oed
11
yn|y offrynnaỽ* ef ar betheu tec. yd oed ynteu yn amylhav i+
12
daỽ o bop peth tec. Ac nyt ueỻy yd oed ef yn|y roi y gaẏn. na+
13
myn aflỽydyannus vydei y lafur idaỽ. kanys budyr a hagyr a
14
gỽasgaraỽc vydei. ar hyt y meyssyd. a|chymeint ˄ac a|vei y abel. glan a
15
thec a|savỽryeid vydei. Pan weles kaẏn vot yn ỻwydyan+
16
nussach y abel y lavur noc idaỽ ef. ef a bechaỽd yn ỽrthrỽm
17
ac a|daly·aỽd kenuigen ỽrth abel. ac a|e cassaaỽd yn ormod
18
odieithyr messur. ac a vedylyaỽd pa delỽ y gaỻei dial arnaỽ
19
hynny yn gymeint ac y|medylyaỽd yndaỽ e|hun y ỻadei ef abel
20
y vraỽt. kanys y|myỽn mod amgen no hynny ny aỻei ef ar+
21
naỽ dial. Ac ueỻy y|porthes caẏn y lit a|e vedỽl. yn hir o amser
22
heb adnabot o|e vraỽt arnaỽ hynny. Ac megys yd|oed abel di+
23
warnaỽt yn mynet o|dei y dat y|r maes. ef a|doeth hyt y·dan vric
24
y prenn. ac yno ef a|gysgaỽd. ac yn agos y hynny yd oed gain
25
yn cadỽ y deueit. a thu ac yno ynteu a|doeth ar uedyr ỻad y vraỽt heb
26
wybot idaỽ. Eissyoes y vraỽt a|e|kigleu ef yn|dyuot. ac a gyuar+
| « p 84r | p 85r » |