NLW MS. 3036 (Mostyn 117) – page 15
Brut y Brenhinoedd
15
1
eissoes didan yỽ genhyf y rodi y was ieuanc clot+
2
uaỽr a| henyỽ o| etiued priaf urenhin tro ac an·chi+
3
ses. A|r bonhed yssyd yndaỽ ynteu yn blodeuaỽ. mal
4
y gellir y welet yn eglur. A phỽy a allei ellỽg kene+
5
dyl tro hediỽ yn ryd. yr hon ry|uuassei y ssaỽl vil o
6
ulỽydyned ac amseroed y dan vrenhined groec yg.
7
keithiwet. neu pỽy a geissei lafuryaỽ gyt ac ỽynt.
8
y| geissaỽ rydit a guaret o ryỽ geithiwet honno.
9
A chan gallỽys y| guas ieuanc hỽn hynny; minheu
10
a rodaf vy merch idaỽ ef yn llawen. ac eur ac ary ̷+
11
ant a llogeu. A phop peth o|r a| uo reit y hynt ỽrth+
12
aỽ. Ac o byd guell genhỽch pressỽylaỽ gyt a guyr
13
groec; mi a| rodaf iỽch trayan vyg kyfoeth yn ryd
14
trỽy hedỽch y|ỽ gyfanhedu. Ac ony mynnỽch na+
15
myn mynet ymdeith mal y bo hyfrydach genh ̷+
16
ỽch mi a| trigyaf gyt a chwi megys gỽystyl hyny
17
uo paraỽt pop peth o|r a| edewit iỽch. A guedy dar ̷+
18
uot cadarnhau yr amot yuelly y·rydunt; yd an+
19
uonet y pop porthua o|r a oed yg|kylch teruyneu
20
groec y| gynnullaỽ eu llogeu. A guedy eu dỽyn oll
21
y vn lle; eu llenwi a wnaethpỽyt o pop peth o|r a uei
22
reit ỽrth hynt. A rodi y uorỽyn a| wnaethpỽyt y
23
vrutus. Ac y paỽb ar neilltu y rodet yn herwyd e
24
vonhed a|e teilygdaỽt eur ac aryant a thlysseu. A
25
mein maỽrweirthaỽc yn amhyl. A guedy dar+
26
uot hynny yd ellygỽyt y brenhin o|e garchar. Ac
27
yd aeth guyr tro y| eu llogeu yn ryd o geithiwet
28
guyr groec.
| « p 14 | p 16 » |