NLW MS. 3035 (Mostyn 116) – page 175v
Brut y Tywysogion
175v
1
dud arglỽyd powys a dewissaỽd y le y bebyỻaỽ rỽg ỻu y bren+
2
hin a ỻu ywein val y gaỻei erbyneit y kyrcheu kyntaf a|wnel+
3
ei y brenhin. Yg|kyfrỽg hẏnẏ y dyblygaỽd ỻyges y brenhin
4
y von. a gỽedy adaỽ yn|y ỻogeu y gỽyr noethon a|r gỽassana+
5
ethwẏr y kyrchaỽd tywyssaỽc y ỻogeu a|r pen·ỻogwyr y·gyt
6
ac ef y ynys von ac yspeilaỽ a|wnaethant eglỽys veir ac
7
eglỽys bedyr a ỻawer o|eglỽysseu ereiỻ ac am hẏnẏ y|gỽna+
8
eth duỽ dial arunt*. kanys tranoeth y bu vrỽydyr yryg+
9
tunt a gỽyr mon. ac yn|y vrỽydyr hono y|kiỻaỽd y|freinc
10
herwyd y gnotaedic defaỽt wedy ỻad ỻawer onadunt a|da+
11
la ereiỻ a bodi ereiỻ a breid y dieghis ychydic onadunt y|r
12
ỻogeu wedy ỻad henri vab henri vrenhin a|chan|mỽyaf hoỻ
13
benafduryeit y ỻogeu. a gỽedy daruot hẏnẏ yd hedychaỽd
14
y brenhin ac ywein ac y cafas katwaladẏr y gyfoeth drach+
15
efyn ac yna yd ymhoelaỽd y brenhin y loegyr. ac yna yd|ym+
16
hoelaỽd joruerth goch ap maredud y gasteỻ jal ac y|ỻosges
17
Y vlỽydyn rac ỽyneb y|ỻas morgan ap ywein wan drỽy dỽyỻ
18
y gan ỽyr Juor ap meuruc a|chyt ac ef y ỻas y|prydyd go+
19
reu a|hỽnỽ a elwit gỽrgan ap rys ac yna y gỽledychaỽd
20
Jouerth ap ywein vraỽt morgan dir caer ỻion a hoỻ gy+
21
uoeth ywein a gỽedy gỽneuthur o|hoỻ dywysso·gyon kymrẏ
22
hedỽch a|r brenhin rys ap gruffud e|hunan a darparaỽd
23
gỽneuthur ryfel ac ef. a|duunaỽ a|oruc hoỻ deheubarth
24
a|e hoỻ annỽyleit a|e hoỻ da gantunt hyt y|ghoedyd
25
ystrattywi. a phan gigleu y brenhin hyny an·uon kenna+
26
deu a|wnaet at rys y|uenegi idaỽ vot yn gryno idaỽ
27
vynet y lys y brenhin yn gyn* noc y dygei loeger chym+
28
ry a|freinc am y|ben ac nat oed neb eithẏr ef e|hunan
| « p 175r | p 176r » |