Breudwd Welsh Prose 1300-1425
Cymraeg

NLW MS. 3035 (Mostyn 116) – page 14v

Ystoria Dared

14v

achil ry dygỽydaỽ ỻawer o dywysogyon goroec gan deheu
hector a|medylyeit a|wnaeth achil. ony ledit ector y dy+
gỽydei riuedi a vei vỽy o|wyr goroec rac ỻaỽ gan
deheu ector. a|e vryt a dodes achil arnaỽ y geissaỽ
ymgyuaruot ac ef. ac ymlad a gerdaỽd racdaỽ ual
kynt ac ector a|ladaỽd philibetem y tywyssaỽc deỽ+
raf o|roec a|thra|yttoed ef yn mynu y yspeilaỽ y|deuth
achil yn|y erbyn ac yno y bu ymlad dir·uaỽr y veint
ac y|kychwynỽys gaỽrua vaỽr o|r casteỻ ac o|r hoỻ
lu. ac ector a vrathaỽd achil yn|y vordỽyt. ac yna
achil yn achubedic o dolur yn vỽy ac yn grafach
a ymlynỽys ector ac nyt ymedewis ac ef yn* ỻadaỽd
ef ector. ac yna gỽedy ỻad ector ef a yrraỽd fo ar wyr
troea ac a|e hymlynaỽd gan wneuthur aerua vaỽr o|r
rei codedic yn ymyl pyrth y castel. ac yna agamemnon a
ymhoeles ar achil ac eỻ|deu yr ymladassant ỽy yn
duruig ac o|r diwed yn ỻudedic ymwahanu a|wna+
ethant a|r nos a|wahanỽys yr ymlad ac achil yn vrath+
edic a ymhoeles o|r ymlad at y wyr a|r nos hono gỽyr
troea a gỽynassant ector. a gỽyr goroec y|rei a|ladys+
it o·honunt ỽynteu. a|thranoeth memnon yn dywys+
aỽc ymlaen gỽyr troea yn erbẏn ỻu groec ac yna
a·gamemnon a gyghores ac a anoges y ỻu y geissa
kygreir deu vis val y gaỻei pop rei o·honunt gladu
y gỽyr a|ladyssit vdunt ac ar hẏnẏ kenadeu a gerdas+
ant at briaf a gỽedy cael kygreir deu vis dra|e kefyn
y|deuthant Priaf val yd oed deuaỽt gantunt ỽy gyr
bron y pyrth yn anrydedus a gladaỽd ector y vab heb
y vot yn beỻ y ỽrth ved jlij vrenhin a|thra|barhaỽys
y|gygreir ny orffoỽyssỽys palamides yn cỽyna rac gor+