NLW MS. Llanstephan 27 (The Red Book of Talgarth) – page 20r
Ystoria Lucidar
20r
1
ẏ rei|drỽc. neu paham y kyvyrgoỻir y rei camgylus. Magister Beth
2
bynnac a|wnel y rei hynny ny aỻant ỽy vynet y|ngyvyrgoỻ.
3
kanys pob peth a|lafuryant yn|da hyt yn|oet eu pechaỽt. kan+
4
ys gỽedy y pechaỽt gỽrthrymaf y bydant ufudach gan diolỽch
5
y duỽ eu hyechyt yn ffrỽythlonach a|wnant. a|r rei drỽc a
6
greỽyt o achaỽs yr etholedigyon ac y wneuthur da o·nadunt
7
o|achaỽs y rei drỽc ac o|e hemendau o|e gỽydyeu. megys y beynt
8
ogonedus o welet y|ỻeiỻ yn eu poeneu. mỽy vyd eu ỻewenyd ỽyn+
9
teu o|e dianc. a chyfyaỽn ynt y rei drỽc oc eu hachaỽs e|hunein
10
y vynet y|nghyvyrgoỻ. kanys oc eu bod e|hun y dewissassant
11
y drỽc ac y karassant. ac ỽynt a|vynnynt eu byỽ yn dragywyd.
12
discipulus Paham y gat duỽ y|r etholedigyon bechu. Magister Y dangos me+
13
int y|drugared ỽrthunt. discipulus A vydant iach yr etholedigyon ony
14
lauuryant. Magister Wynt a|gaffant y deyrnas drỽy wedieu neu la+
15
uryeu megys y dywedir. Drỽy lawer o draỻodeu y mae reit
16
ynni dyuot y deyrnas duỽ. kanys y rei bychein drỽy chwerwed
17
angeu a|deuant y|r nef. a|r rei oedaỽc drỽy lauur. kanys ys+
18
criuennedic yỽ. Yn|ty vyn|tat i y mae ỻawer o gyuanhedeu. a
19
phaỽb a|geiff y bressỽyluot herỽyd y briaỽt lauur. a|r mw+
20
yaf y lauur uchaf vyd y le. ac ny dichaỽn neb lauuryaỽ
21
mỽy noc a|dangosso dwywaỽl rat idaỽ. ac ny cheiff amgen
22
bressỽyluot noc a|rac·weles duỽ idaỽ yr kynn dechreu byt. kan+
23
nyt eidyaỽ y neb onyt a|vynno duỽ o|e drugared. veỻy ny
24
dichaỽn y rei drỽc gỽneuthur mỽy noc a|atto dwywaỽl ~
25
varn udunt. ac ny byd mỽy eu poen noc a wyr duỽ yr dech+
26
reu byt hyt diliỽ. Megys y dywedir. Kynn gỽneuthur oho+
27
nunt na da na|drỽc mi a|geisseis esau. ac a|gereis iacob. a
| « p 19v | p 20v » |