NLW MS. Llanstephan 27 (The Red Book of Talgarth) – page 131v
Buchedd Catrin
131v
1
rac eu|gelynyon a rodi trugared o|e heneidyeu. a|r neb a|del att
2
vyng|corff i. ac a geisso trỽy dy enỽ di rodi iechyt udunt o|e
3
heinyeu. Y brenhin uchaf yn|y drindaỽt. dyro yrof|i waret
4
y|r dynyon truein hynn yma yssyd y|m poeni i. yr dy druga+
5
red di madeu udunt y ffolineb hỽnn. kany wdant beth y
6
maent yn|y wneuthur ymi. a minneu a|e madeuaf ud+
7
unt. ac y|th laỽ ditheu arglỽyd y go˄rchmynnaf|i vy yspryt.
8
Yna y doeth angel att gatrin ac y|dywaỽt ỽrthi. Gennyf|i
9
yd anuones Jessu uab meir. y ganhadu ytti oỻ yr|hynn
10
a ercheist idaỽ. Dyret heb ohir o|r|boen honn y lewenyd
11
diogel tragywydaỽl. Yna y|dywaỽt katrin ỽrth y gỽr truan
12
ỻad di vym penn i yr aỽr·honn. kanys vy arglỽyd a anuo+
13
nes attaf y erchi ym dyuot y|r ỻewenyd ny deruyd vyth
14
a|r|gỽr drỽc hỽnnỽ a|ladaỽd y phenn hi yna. a ỻaeth yn
15
ỻe gỽaet. a redaỽd aỻan. a|r engylyon a|dugant eneit ene+
16
it y vorỽyn vendigeit y nef. a|e chorff a gladyssant ym
17
mynyd sẏnai. a|r neb a del yno y geissaỽ gỽaret a Jechyt
18
ac a gretto y dio·deifyeint hi ỽynt a|e kaffant. a phedeir
19
ffrỽt yssyd yn redec trỽy y bed hi o|e bronneu oleỽ. a
20
thrỽy y rei hynny y kafas ỻawer o wyr a gỽraged waret.
21
ac nyt oes neb dyn a|wypo eu rif. a hynny a|wnaeth duỽ
22
yrdi hi. a ninneu a adolygỽn y duỽ yn iachỽyaỽdyr ni
23
drugared y|n heneidyeu. ac a rodo ynn vywyt yn|y byt
24
hỽnn yma. megys y gaỻom dyuot y diwed da a charu
25
duỽ a|e wassanaethu megys y gaỻom dyuot y|r ỻewenyd
26
ny deruyd vyth yr caryat seint y katrin. ameN.
27
Buched meir vadlen. ~ ~ ~
| « p 131r | p 132r » |