Oxford Jesus College MS. 119 (The Book of the Anchorite of Llanddewi Brefi) – page 91r
Ymborth yr Enaid
91r
1
hỽnnỽ a|anuonir yr|lle y|mynacker dỽyỽaỽl ge+
2
dernyt megys yr anuonet y|venegi y|veir wyry
3
y|bot yn gyflaỽn o gedernyt yr yspryt glan. Rapha+
4
el a gyfyeithir yn vedyginyaeth duỽ. hỽnnỽ a
5
anuonir yr lle bo reit vrth yechyt eneit. neu
6
gnaỽt. megys yr anuonet y yachu thobias hen
7
o|e delli. Gyt a|r archengylyon y kyfleir dynyon a
8
a*|wypont gyfrinacheu nefolyon gymynediỽyeu.
9
Ac a|e manackont ac a|e dyscont y ereill yn gare+
10
dic trugaraỽc. Tyỽyssogaetheu yỽ y|rei y bo y
11
danunt toruoed o egylyon. Ac archengylyonn
12
vrth gỽplav gỽassannaetheu duỽ. Ac a|uont yn
13
kyfeisted ac ef. A chyt ac ỽynt y kynnỽyssir dyny+
14
on a|arueront o|r ysprydolyon gampeu yn ragorus
15
rac paỽb. Ac a|wledychont o|e kampeu ar y kyt+
16
etholedigyon ereill vrodyr. Medyannev yỽ y|rei
17
y bo holl nerthoed yr egylyon gỽrthỽynebedigy+
18
on vdunt yn darestỽg hyt chaffont argyỽedu
19
yr byt vrth eu mynnv. A chyt ac ỽynt y kynnỽyssir
20
dynyon a|rotho yr yspryt glan vdunt vedyant
21
y|vỽrỽ kythreuleit a|dryc ysprydoed o galonnev
22
y|rei ereill. kadeiryeu yỽ eisteduaeu y kyfeistedo
23
y kreaỽdyr yndunt. vrth wneuthur y|vrodyeu a|e
24
gyfureitheu yndunt. Ac yno y kynnỽyssir dynyon
25
a|wledychont arnunt e|hunein ar y gỽeithredoed
| « p 90v | p 91v » |