Oxford Jesus College MS. 119 (The Book of the Anchorite of Llanddewi Brefi) – page 62r
Ystoria Lucidar
62r
1
oethocket ac y bu alexander maỽr y|gỽr a oresgyn+
2
naỽd yr asya ar affrica ac europa. Owi o|r gor+
3
uchelder. Beth ygyt a hynny oll pei kymeint
4
dy anryded di y gann baỽp ac y bu ioseph y|gann
5
wyr yr eifft y|gỽr a|adolassant ỽy megys pei duỽ
6
vei. Owi o|r parch. Beth ygyt a hynny oll pei
7
bydut mor dioual ac Eli. Ac Enoc. y|gỽyr ys+
8
syd yn|y kyrff a|e heneit ym|paradỽys. Owi a
9
duỽ o|r maỽredigrỽyd hỽnnỽ. Beth ygyt a|hyn+
10
ny oll pei caffut kyuryỽ leỽenyd ac vn dyn a
11
dyckit o|e diennydyaỽ. Ac ar yr hynnt honno
12
ymauel ac ef a|e wnneuthur yn vrenhin. Owi
13
o|r meddyant. Beth ygyt a hynny pei bydei
14
ytt getymdeith a garut yn gymeint a|thy|hun.
15
Ac yntev y|th garu ditheu velle. Ac yn gyuoe+
16
thaỽc o bop parth. pony bydei deudyblyc y kary+
17
at. Owi o|r diruaỽr leỽenyd. Beth pettei ytti
18
llaỽer o getymdeithon yn vn ffunut ac a dyỽet+
19
pỽyt vchot. pony bydei ytti y|gyniuer lleỽenyd
20
Owi o|r digriuỽch. kynn digriuet yỽ gennyf|i
21
dy ymadraỽd di a|phob ryỽ olut. Ef a|ỽelir y
22
mi pei eidaỽ dyn vei rei o hynny. ny dyỽedaf yn+
23
hev gỽbyl ohonunt. y bydei deilyngach ef no|r
24
no*|r* holl vyt. O bei eidaỽ yntev hynny o|gỽbyl
25
ef a|ỽelit y|vot yn duỽ. Jaỽnn y|bernny hynny.
| « p 61v | p 62v » |