Oxford Jesus College MS. 111 (The Red Book of Hergest) – page 267r
Diarhebion
267r
1069
1
Hir y bydir yn knoi tameit chwerỽ.
2
Hir y|byd y mut ym|porth y bydar.
3
Hir vyd y|gebyd y gabyl.
4
Hael pob coỻedic ychenaỽc.
5
Hoedyl dyn nyt gelyn a|e|rann.
6
Hanuyd gỽaeth y|dryckath o dorri y hewined.
7
Hir wynnyeu y|direidi.
8
Hir lyngesswryaeth y vodi.
9
Hir seuyỻ y|drỽm.
10
Hir eisted y diaỽc.
11
Hỽyrweith y anffynnedic.
12
Hir graỽn gan newyn.
13
Hir nych heb escor ỻudet.
14
Hỽyr y|byd dyn o|r dinawet wenn.
15
Hir hun uaelgỽn yn eglỽys ros.
16
Haỽs ỻosgi no|e adeilyat.
17
Hir hynt a chyrchu ỻaỽ gar.
18
Hir vyd edeu gỽreic eidyl.
19
Hir·vrydic a yfo y hoỻ da.
20
Hir y|gof ny mych rod.
21
Haỽd naỽd yg|gỽascaỽt gorwyd.
22
Haỽd eiryaỽl a|garer.
23
Hanner y|wled hoffed yỽ.
24
Hydyr gỽr o|e|gymodogaeth.
25
Hỽyr hen haỽd y ordiwes.
26
Hyt tra vych na vyd o·uer.
27
Hyt agheu goreu gordyfneit.
28
Hir chwedyl aghenaỽc.
29
Hir annot oedi nyt a y|da.
30
Hir seic a|chyỻeỻ aflem.
31
Haỽd kynneu tan yn ỻe tanỻỽyth.
32
Haỽd diot gỽaet o benn crach.
33
Haỽd dangos diryeit y gỽn.
34
Hy paỽb ar y vapsant.
35
Hoff emenyn trathan.
36
Hanes ty. hanes coet.
37
Haf hyt galan. gayaf hyt vei.
38
Hael byrrỻofyaỽc.
39
Heul yn ionaỽr ny mat welaỽr. maỽrth a
40
chwefraỽr a|e dialaỽr. ~
1070
1
K ystal yỽ march a|e atuarchwerth.
2
i* chỽyrnat halaỽc y beis.
3
Keluyd kelet y aruaeth.
4
Kyt·vỽytta a mab arglỽyd ac na chyt·whare. [ dauat
5
Kynn ebrỽydet yd a croen yr oen y|r varchnat a|chroen y
6
Kynt y|ỻysc yr odyn no|r ysgubaỽr.
7
Kerdwys a rỽymỽys.
8
Kynghor y|m|gỽas yn hen.
9
Ki a helyo pob ỻỽdyn. ny byd da ar yr vn.
10
Kyrchit brynn a disgỽylho.
11
Kyt keler naỽ nos ny chelir naỽ mis.
12
Kyfrin penn a challon.
13
Kynnadyl taeaỽc yn|y ty.
14
Kyngheussed wedy braỽt.
15
Kyt boet hir hafdyd dybyd ucher.
16
Keis uarchaỽc da adan draet y varch.
17
Kof gan baỽb a|gar.
18
Kywala y wedỽ gỽreic vnbenn.
19
Kyt·les y baỽb galỽ yr ychen.
20
Keisset baỽb dỽfyr o|e long.
21
Kỽymp y gỽr yn|y rych.
22
Kynneu tan yn ỻe hen danỻỽyth.
23
Kyt gỽicho y benn hi a|dỽc y ỻỽyth.
24
Krynu ual y vorwialen.
25
Keis yn|y mỽllỽc.
26
Kaffat malu. kaffat y|werth.
27
Keneu milgi a morỽyn ny cheiff y mỽyn a|e macko.
28
Kynnelỽ kinnyn gan gydechyn.
29
Klỽm ychenaỽc ar y geinaỽc.
30
Koffa dy|din pan vntrewych.
31
Kỽyn vychot. keilaỽc yn aerỽy.
32
Kaspeth gỽyr ruuein.
33
Kystal yỽ kerdet ar draet a|marchogaeth ffonn.
34
Kar kywir yn yng y gỽelir.
35
Klỽm eidyl moch eỻỽng.
36
Kyuoethaỽc y werthu. tlaỽt y|brynu.
37
Keissyet diryeit yn|y dydyn.
38
Kyfeiỻt bleid. bugeil diaỽc.
39
Kaledach gleỽ no maen.
40
Kyua rann rybuchir.
41
Kas gan uaharen mỽyeri.
| « p 266v | p 267v » |