Jesus 111 (Llyfr Coch Hergest) page 174r
174r
705
706
| << p 173v | Go to: | p 174v >> |
174r
705
12345678910111213141516171819202122232425262728293031323334353637383940414243444546
myn y wyr ynys pryOrnateAddurnedigdein. OrnateAddurnedigAc yna yd agoret pyrtOrnateAddurnedigh kaer ruuein. ac yd eistedwys yr amhera6dyr yn|y gadeir. Ac y|g6edwys ida6 pa6b o|wyr ruuein. Ac yna y|dywa6t yr amhera6dyr 6rth gynan ac adeon. Ha|wyrda heb ef c6byl a|geueis i o|m am + herodraeth. a|r llu h6nn mi a|e rodaf y ch6ytheu y oresgyn y|gyueir y mynnoch ar y byt. ac y + na y kerdassant 6ynteu ac y goresgynnassant g6ledyd a chestyll a|dinassoed. ac y lladassant eu|g6yr oll. ac y|gadassant y g6raged yn vy6. Ac uelly y|buant yny yttoed y g6eisson ieueinc a|dathoed y !gyt ac 6ynt yn wyr llwydon. rac hyt y buassynt yn|y goresgyn h6nn6. Ac yna y dywa6t kynan 6rth adeon y vra6t. Beth a vyn + ny di heb ef ae trigya6 yn|y wlat honn. ae my + net y|r wlat yd hanvyt o !honei. Sef y|kauas yn|y gyghor mynet y wlat a|llawer y !gyt ac ef. Ac yno y trigywys kynan a|r rann arall gyt ac ef y press6yla6. Ac y ka6ssant yn|eu kyghor llad tauodeu y g6raged. rac llygru eu|hieith. ac o|acha6s tewi o|r g6raged ac eu|hieith. y|gel6it gwyr llyda6 brytaen. ac odyna y|doeth yn vynych o ynys prydein ac ettwa y|da6 yr ieith honno. a|r chwedyl honn a|elwir. breud6yt maxen wledic am + hera6dyr ruuein. ac yman y mae teruyn ar + na6. Filler: Addurn gofod: punctus~ Filler: Addurn gofod: punctus~ Filler: Addurn gofod: infinite~ Filler: Addurn gofod: mousellygoden~ Cyfranc Lludd a Llefelys* llyma gyfranc llud a lleuelis. Y |r beli ma6r uab manogan y bu tri meib. llud. a chasswalla6n. a nynnya6. a her6 + yd y|kyuarwydyt pedweryd mab ida6 uu lleuelys. a|g6edy mar6 beli a|dyg6yda6 te + yrnas ynys prydein yn|lla6 llud. y uab yr hynaf. a|e llywya6 o|lud hi yn ll6ydyannus. ef a|atnewyd + wys muroed llundein. o anriuedic tyroed a|e damgylchyn6ys. a|g6edy hynny a|orchymynn6 + ys y|r kiwtawtwyr adeilat tei yndi megys na bei yn|y|teyrnassoed. tei k !yfurd ac a|uei yndi. Ac ygyt a|hynny ymladwr da oed. a|hael ac ehalaeth y rodei v6yt a|dia6t y ba6b o|r a|e keis + sei. a|chyt bei lawer o geyryd a|dinassoed ida6 honn a garei ef yn v6y no|r vn. ac yn|honno y press6ylei y rann v6yhaf o|r vl6ydyn. ac 6rth hynny y|gelwit hi kaer lud. ac o|r|diwed kaer lundein. A|g6edy dyuot estra6n genedyl idi. y|gelwit hi lundein. neu|ynteu l6ndrys.
706
12345678910111213141516171819202122232425262728293031323334353637383940414243444546
M6yOrnateAddurnedighaf o|e vrodyr y OrnateAddurnedigkarei lud Deletion indicated by a line through the textDilewyd hyn drwy dynnu llinell drwyddo.y|lleueOrnateAddurnediglys. ka + nys g6r prud a|doeth oed. A g6edy clybot ry uar6 brenhin heb ada6 etiued ida6 namyn vn uerch. ac ada6 y kyuoeth yn lla6 honno. ef a doeth att lud y vra6t y|erchi kyghor a nerth ida6. ac nyt yn v6yhaf yr lles ida6|ef. namyn yr keissa6 achwanegu enryded ac vrdas a|thei + lyngda6t y eu|kenedyl o|gallei vynet y|teyrnas ffreinc y erchi y uor6yn|honno yn wreic ida6. Ac yn|y|lle y vra6t a|gysynnya6d ac ef. ac a|uu da ganta6 y gyghor ar hynny. Ac yn|y lle para + toi llongeu ac eu llan6 o varchogyon arCorrected textCywirwyd y testun yn y fan hon.va6c a|chychwyn parth a ffreinc. ac yn|y lle g6edy eu|disgynnu. anuon kenadeu a|orugant y uenegi y|wyrda freinc ystyr y neges y dothoed o|e|cheissa6. ac o gyt !gyghor g6yrda freinc a|e thywyssogyon y rodet y uorwyn y|leueCorrected textCywirwyd y testun yn y fan hon.lys a choron y deyrnas ygyt a|hi. A|g6edy hynny ef a|lywya6d y gyuoeth yn|prud ac yn|doeth. ac yn detwyd hyt tra|barhaa6d y oes. A|g6edy llith + ra6 talym o amser. teir gormes a|dyg6ydwys yn ynys prydein. ar|ny|welsei neb o|r ynyssed gynt eu|kyfry6. Kyntaf o !nadunt oed ry6 ge + nedyl a|doeth a|elwit y coranneit. a chymeint oed eu|g6ybot ac nat oed ymadra6d dros wyneb yr ynysText added above the lineYchwanegwyd hyn uwchben y llinell. yr isset y dywettit o|r kyuarffei y g6ynt ac ef ny|s g6ypynt. ac 6rth hynny ny ellit dr6c udunt. Yr eil or !mes oed. diaspat a|dodit pob nos kalan mei. vch bob ael6yt yn ynys prydein. a|honno a|aei tr6y gallonneu y|dynyon. ac a|e hof !nockaei yn|gymeint ac y collei y|g6yr eu|lli6 ac eu|nerth. a|r g6raged eu|beichogyeu. a|r meibon a|r merchet a|gollynt eu synh6yreu. a|r holl aniueileit a|r|g6yd a|r dayar. a|r dyfred a|e !dewit yn diffr6yth. Tryded ormes oed yr meint uei y|darmerth a|r arl6y. a|barattoit yn|llyssoed y brenhin. kyt bei ar + l6y vl6ydyn o v6yt a|dia6t. ny cheffit vyth dim o + hona6. namyn a|treulit yr vn nos gyntaf. a|r|d6y ormes ereill nyt oed neb a|wyppei pa ystyr oed ud + dunt. Ac 6rth hynny m6y gobeith oed kaffel g6a + ret o|r|gyntaf. noc oed o|r eil neu o|r dryded. ac|6rth hynny llud vrenhin a|gymerth pryder ma6r a goual ynda6. kany wydyat pa|fford y kaffei waret rac y gormesseu hynny. a|gal6 atta6 a|oruc holl wyrda y|gyuoeth. a gouyn kyghor udunt pa|beth a|wnelynt yn erbyn y gormessoed hynny. ac o|gyf +
| << p 173v | Go to: | p 174v >> |
