BL Harley MS. 958 – page 54v
Llyfr Blegywryd
54v
1
Eil·dẏd hwefraỽr pedeir keinhaỽc kẏfreith
2
a dẏrcheif arnaỽ. kalan mei trugeint a
3
tal. Ac ẏna buch gỽbẏl uẏd. Teithi buch
4
ẏỽ dec ar|hugeint arẏant. pedeir ar|hugeint
5
dros ẏ ỻaeth. A hwech dros ẏ ỻo. Teithi
6
kẏnflith. ugeint ẏỽ. vn ar|pẏmthec dros
7
ẏ ỻaeth. A phedeir dros ẏ ỻo. Dros laeth ỽẏth+
8
nos ke inhaỽc. O tri mod ẏ telir teithi
9
buch. o dec ar|hugeint arẏant. neu o uuch
10
hesp tec. neu o vlaỽt. Os o vlaỽt val hẏn
11
ẏ telir. Messur ỻestẏr ỻaeth buch. naỽ mod+
12
ued ẏg|kẏlch ẏ eneu. A|their ẏn llet ẏ wae+
13
laỽt. A seith ar ỽẏr o|r cleis traỽ ẏ|r emẏl
14
ẏma uẏd ẏ uchet. ỻoneit ẏ ỻestẏr hỽnnỽ
15
a|telir o ulaỽt keirch ẏ|ghẏfeir pop godro ẏ|r
16
uuch hẏt ỽẏl giric. Odẏna hẏt aỽst o ulaỽt
17
heid. Odẏna hẏt galan gaẏaf o ulaỽt gỽe+
18
nith ẏ|telir ẏn|ẏ messur hỽnnỽ.
19
G werth ỻo gỽrẏỽ hẏt galan racuẏr hỽ+
20
ech cheinhaỽc ẏỽ. O hẏnnẏ hẏt aỽst
21
ẏn|ẏ trẏded ulỽẏdẏn. dỽẏ geinhaỽc ym pop tẏm+
22
hor a|drẏcheuir arnaỽ. kalan racuẏr gwedẏ
23
hẏnnẏ dỽẏ ar|hugeint a|tal. hẏt galan hỽe+
24
fraỽr. pedeir ar|hugeint. Eil·dẏd hwefraỽr
25
y dodir ieu arnaỽ. Ac ẏna pedeir keinhaỽc co+
| « p 54r | p 55r » |