Breudwd Welsh Prose 1300-1425
Cymraeg

BL Harley MS. 4353 – page 39r

Llyfr Cyfnerth

39r

naỽ nieu y rodi atteb. A naỽ y rodi mach.
A naỽ y rodi gỽir o|r haỽl deissyfyt. Naỽ
nieu yssyd y arglỽyd y ymgoffau a|e lỽ. Y
effeirat y mae hyny gaffo amser gyntaf
y ganu efferen. Ym pop dadleu y dyly 
bot gỽys a haỽl ac atteb a barn a thagnef  ̷+
ed. Pop adeilỽr maestir a dyly kaffel tri
phren y gan y neb bieiffo y coet mynho y
coetỽr na vynho; nenpren. A dỽy nenforch.
U* neb a| uo goruodaỽc dros arall ony eill y
dỽyn ỽrth gyfreith. dygỽydet  y gor  ̷+
uodaỽc yg kyfreith y neb yd aeth ef drostaỽ.
Oet goruodaỽc y geissaỽ y| oruodogaeth;
vn dyd a blỽydyn. Lleidyr a| rother ar ve+
icheu. ny dylyir y diuetha. Ny dyly neb
wneuthur iaỽn nac atteb dros weithret
y gaeth onyt am ledrat. Ny dylyir gỽir
a| chyfreith heb y petwar defnyd hyn; ar+
glỽyd kyffredin. Ac ygnat kadeiraỽc. A
dỽy pleit gydrychaỽl. Pỽy bynhac a tor  ̷+
ho kyfar a| wnel o|e vod. talet tri buhyn 
camlỽrỽ y|r brenhin. Ac y|r kyfarỽr y ar oll.
Y gỽeirglodyeu a fforestir rac y moch. ka  ̷+
nys llygru y tir a wnant. Y neb a|e kaffo ar
y weirglaỽd neu ar y yt kyn y vot yn aeduet;