Cardiff MS. 1.363 (Hafod 2) – page 176v
Brut y Brenhinoedd
176v
1
AC gwedy gwelet o lles amheraỽdyr rỽueyn er
2
ryw damwennyeỽ henny en dyỽot ydaỽ trỽm
3
a|thryst wu kanthaỽ. a medylyaỽ a phedrvssaỽ pa p+
4
eth a gwnelhey a|e kynnal ymlad en erbyn arthvr. a|e
5
entev mynet y dynas avuern a chynhal hwnnỽ arnaỽ.
6
ac eno arhos nerth y gan leo amheraỽdyr. Ac gwedy k+
7
affael o·honaỽ henny en|y kynghor e nos honno ef a ae+
8
th y lengrys. Ac gwedy mynegy henny y arthỽr ef a
9
vynnỽs yr racvlaynỽ ef. ar nos honno kan adaỽ y dy+
10
nas ar e llaỽ assỽ ydav ef a aeth hyt e mevn dyffrynt
11
e fford e kerdey. lles amheravdyr a|e lw. Ac eno e myn+
12
vs ef bydynaỽ y wyr. Ac ef a erchys y morỽd yarll kaer G+
13
loew kymryt attaỽ lleng o wyr a mynet ar neylltv en eỽ
14
gwerssyll. a phan welhey ef bot en reyt wrthwnt dyvot
15
y ymlad en erbyn eỽ gelynyon. Ac odyna y nyỽer oll y am he+
16
nny a rannwys en sseyth bydyn. ac y pob vn onadvnt pymth+
17
engwyr a deỽ vgeynt a phym kant a|phymp myl. ar rey henny
18
en kyweyr wyskedyc o pob arỽeỽ. Ar rann o pob vn o|r
19
rey henny a oedynt en varchogyon. ar rann arall en pedy+
20
tkant. Ar ryw orchymynn hwnn a rodet y pavb onadvnt.
21
hyt pan kyrchynt e pedytkant ev gelynyon en e|lle ar traỽs
| « p 176r | p 177r » |