Cardiff MS. 1.362 (Hafod 1) – page 92v
Brut y Brenhinoedd
92v
1
y dodet kadỽr a richert. Ac y ryoli y rei ereill y
2
dodet borel a bedỽyr. Ac ny cheissỽys gỽyr rufe+
3
in vn reol namyn paỽb yn|y gyueir keissaỽ ellỽg
4
eu kyrcharoryon Ar brytanyeit a gollassei y karch+
5
aroryon yn waradỽydus pei na delhei. quintart ty+
6
wyssaỽc peitaỽ a their|mil o wyr aruaỽc gỽedy ry
7
gaffel brat gỽyr rufein. A gỽedy dyuot canhor+
8
thỽy yr brytanyeit gorthỽynebu y gelynyon yn
9
ỽraỽl. Ac yna y degỽydỽys borel tewyssaỽc o parth
10
y brytanyeit a llawer y gyt ac ef. Ac eisoes ny
11
allassant wyr rufein namyn kymryt eu ffo parth
12
a|e pebylleu. A sef a wnaeth y brytanyeit eu hym+
13
lit ac eu llad a dala ereill. Ac yna y llas vlteis
14
senedỽr. ac euander vrenhin syria. A gỽedy kaffel o|r
15
brytanyeit y vudugolyaeth honno. yd anuonass+
16
ant y karcheroryon hyt ym paris. ac odyna ym+
17
choelut tracheuen gan adaỽ budugolyaeth y eu bren+
18
hin kans niuer mor uychan a hỽnnỽ a gaỽssei
19
uudugolyaeth ar y saỽl elynyon hynny.
20
A Gỽedy gỽelet o|r amheraỽdyr meint y gollet
21
ar dechreu y luoed tristau a oruc yn vaỽr a
22
medylyaỽ peidaỽ a|e darpar am ymlad ac arthur
23
a mynet o|r lle hỽnnỽ hyt yn afar y aros porth o
24
newyd attaỽ. A gỽedy clybot o arthur hynny. My+
25
net a oruc ynteu hyt nos y eu ragot yr fford y do+
26
ynt trannoeth. A gỽedy y dyuot yno llunyaethu
27
y wyr a oruc trỽy naỽ bydin. a wegỽyr a hweuge+
28
in a wechant a wemil ym pop bydin. a dodi leg* o
29
wyr yg gỽersyll erbyn pan vei reit ỽrthunt. A bo ret iarll.
| « p 92r | p 93r » |