BL Cotton Cleopatra MS. B V part i – page 4v
Brut y Brenhinoedd
4v
1
eon gwlat ruuein mor dybryt y|damchweineu
2
ef a hynny. y alltudaw a orugant ef o|r ynys.
3
Ac yna y kyrchawt brutus groec ac ymrodi
4
a oruc ef y arueu. y ymwaneu. ac y|torneman+
5
neu. yny yttoed y glod yn hehedec dros wy+
6
neb y teyrnassoed. canys hael oed a doeth a
7
thec a|thelediw. a chryf a dewr. a|digryf a cha+
8
redic gan bawb. a phop da o|r byd o|r a damch+
9
weineu idaw. ef a|y rodei y bawb o|r a|y myn+
10
ney. A gwedy gwelet o weligord. Elenus vap
11
priaf yr hwnn a|dugassei pyr uab achel gan+
12
thaw gynt o droea y dial angheu y dad. brutus
13
mor lwydiannus ac yd|oed. dyuot a orugant
14
attaw ac ymgystlwn ac ef ev hanuot o|r vn
15
genedyl a menegi meynt oed eu kaythiwet
16
ac ev poen adan pandrassus vrenhin groec.
17
ac eruynneit yr duw keisiaw o·honaw ev
18
dwyn o|r gaethiwet honno. canys gwell oed
19
ganthunt diodef gloes angheu no bod yn
20
y geythiwet honno. A gwedy dyall o brutus
21
eu kerennyt ac ef. a meint oed eu poen ac
22
eu gouyt. kyt·doluriaw ac wynt a oruc. hyt
23
nat oed well ganthaw y vew no y varw.
24
A gwedy medyliaw llawer am hynny menegi
25
a orugant y assaracus canys mam hwnnw a ha+
26
noed o troea. a|y dad a hanoed o roec. a phan uw
27
varw y dad ef a edewys y assaracus y vab tri chas+
28
tell canys o garadas y cat. a|y vraut yr hwnn a
| « p 4r | p 5r » |